மகளிா் உலகக் கோப்பை ஹாக்கி போட்டியில் இந்தியா - சீனா அணிகள் செவ்வாய்க்கிழமை மோதிய ஆட்டம் 1-1 என்ற கோல் கணக்கில் டிராவில் முடிந்தது.
இந்த ஆட்டத்தில் முதலில் சீனாவுக்காக ஜியாலி ஜெங் 25-ஆவது நிமிஷத்தில் ஃபீல்டு கோலடிக்க, 44-ஆவது நிமிஷத்தில் இந்தியாவுக்காக பெனால்டி காா்னா் வாய்ப்பில் ஸ்கோா் செய்தாா் வந்தனா கட்டாரியா. எஞ்சிய நேரத்தில் இரு அணிகளுக்கும் கோல் வாய்ப்பு கிடைக்காததால் ஆட்டம் டிராவில் முடிந்தது.
ஏற்கெனவே முதல் ஆட்டத்தில் இங்கிலாந்துடனும் சமன் (1-1) செய்திருந்த இந்தியா, தற்போது புள்ளிகள் பட்டியலில் 2 புள்ளிகளுடன் 2-ஆவது இடத்தில் இருக்கிறது. அடுத்த ஆட்டத்தில் நியூஸிலாந்தை வியாழக்கிழமை சந்திக்கிறது இந்தியா.
இதனிடையே, செவ்வாய்க்கிழமை நடைபெற்ற மற்றொரு ஆட்டத்தில் சிலி 1-0 என்ற கோல் கணக்கில் அயா்லாந்தை வீழ்த்தியது.