ரஞ்சி கோப்பைப் போட்டியில் உத்தரகண்ட் அணிக்கு எதிராகச் சதமடித்துள்ளார் மும்பை அணி வீரர் சர்ஃபராஸ் கான்.
பெங்களூரு - அலூரில் மும்பை - உத்தரகண்ட் அணிகளுக்கு எதிரான ரஞ்சி கோப்பைக் காலிறுதி ஆட்டம் நடைபெற்று வருகிறது. டாஸ் வென்ற மும்பை அணி பேட்டிங்கைத் தேர்வு செய்தது. முதல் நாள் முடிவில் மும்பை அணி, 3 விக்கெட் இழப்புக்கு 304 ரன்கள் எடுத்து வலுவான நிலையில் இருந்தது. அறிமுக வீரர் சுவெத் பார்கர் 104, சர்ஃபராஸ் கான் 69 ரன்களுடன் களத்தில் இருந்தார்கள்.
இன்று 140 பந்துகளில் 2 சிக்ஸர்கள், 11 பவுண்டரிகளுடன் சதத்தைப் பூர்த்தி செய்தார் 24 வயது சர்ஃபராஸ் கான். மேலும் இந்த வருட ரஞ்சி கோப்பைப் போட்டியில் அதிக ரன்கள் எடுத்த வீரர் என்கிற சாதனையையும் அவர் படைத்துள்ளார். 4 ஆட்டங்களில் 704 ரன்கள் எடுத்துள்ளார். 3 சதங்கள், ஒரு அரை சதம். சராசரி - 140.80 ரன்கள். ஸ்டிரைக் ரேட் - 72.65.
மும்பை அணி 117 ஓவர்களில் 4 விக்கெட் இழப்புக்கு 444 ரன்கள் எடுத்துத் தொடர்ந்து விளையாடி வருகிறது. சர்ஃபராஸ் கான் 153 ரன்களில் ஆட்டமிழந்தார். பார்கர் 156 ரன்களுடன் களத்தில் உள்ளார்கள்.
ரஞ்சி கோப்பைப் போட்டியில் கடந்த 13 இன்னிங்ஸில் 6 முறை 150 ரன்களுக்கும் அதிகமாக எடுத்துள்ளார். அதில் 1 முச்சதம், 2 இரட்டைச் சதங்கள் என நம்பமுடியாத அளவுக்குத் தொடர்ந்து ரன்கள் குவித்து வருகிறார்.
ரஞ்சி போட்டியில் சர்ஃபராஸ் கான்: கடந்த 13 இன்னிங்ஸில்
71*(140)
36(39)
301*(391)
226*(213)
25(32)
78(126)
177(210)
6(9)
275(401)
63(110)
48(72)
165(181)
153(205)