மேற்கிந்தியத் தீவுகளுக்கு எதிரான ஒருநாள் தொடரை வென்ற பாகிஸ்தான் (விடியோ)

மேற்கிந்தியத் தீவுகளுக்கு எதிரான 2-வது ஒருநாள் ஆட்டத்தை 120 ரன்கள் வித்தியாசத்தில் வென்று தொடரைக் கைப்பற்றியுள்ளது பாகிஸ்தான் அணி.

முல்தானில் நடைபெற்ற ஆட்டத்தில் முதலில் பேட்டிங் செய்த பாகிஸ்தான் அணி, 50 ஓவர்களில் 8 விக்கெட் இழப்புக்கு 275 ரன்கள் எடுத்தது. இமாம் உல் ஹக் 72 ரன்களும் கேப்டன் பாபர் ஆஸம் 77 ரன்களும் எடுத்தார்கள். அகீல் ஹொசைன் 3 விக்கெட்டுகளை வீழ்த்தினார்.

இதன்பிறகு பேட்டிங் செய்த மே.இ. தீவுகள் அணி, 32.2 ஓவர்களில் 155 ரன்களுக்கு ஆட்டமிழந்தது. புரூக்ஸ் அதிகபட்சமாக 42 ரன்கள் எடுத்தார். முகமது நவாஸ் 4 விக்கெட்டுகளை வீழ்த்தினார். 

3 ஆட்டங்கள் கொண்ட ஒருநாள் தொடரில் 2-0 என முன்னிலை பெற்று தொடரைக் கைப்பற்றியுள்ளது பாகிஸ்தான் அணி. 3-வது ஒருநாள் ஆட்டம் நாளை நடைபெறவுள்ளது. 

நாா்வே செஸ்: விஸ்வநாதன் ஆனந்த் தோல்வி

டி20 கிரிக்கெட்டில் 15 வருடங்களைப் பூர்த்தி செய்த முதல் இந்திய வீரர்