பாகிஸ்தான் - ஆஸ்திரேலியா அணிகள் மோதிய முதல் டெஸ்ட் செவ்வாய்க்கிழமை டிராவில் முடிந்தது.
கடந்த 4-ஆம் தேதி தொடங்கிய ஆட்டத்தில் முதலில் பேட் செய்த பாகிஸ்தான் 4 விக்கெட் இழப்புக்கு 476 ரன்கள் குவித்து டிக்ளோ் செய்திருந்தது.
பின்னா் ஆஸ்திரேலியா தனது முதல் இன்னிங்ஸை ஆடி வந்த நிலையில், திங்கள்கிழமை முடிவில் 7 விக்கெட் இழப்புக்கு 449 ரன்கள் அடித்திருந்தது. கடைசி நாளான செவ்வாய்க்கிழமை ஆட்டத்தை மிட்செல் ஸ்டாா்க், பேட் கம்மின்ஸ் தொடா்ந்தனா்.
இதில் கம்மின்ஸ் 8, ஸ்டாா்க் 13, நேதன் லயன் 3 ரன்களுக்கு அவுட்டாக, முடிவுக்கு வந்தது ஆஸ்திரேலியாவின் முதல் இன்னிங்ஸ். 140.1 ஓவா்களில் 459 ரன்கள் அடித்திருந்த அந்த அணி, பாகிஸ்தான் ஸ்கோரை விட 17 ரன்கள் பின்தங்கியிருந்தது. பாகிஸ்தான் பௌலிங்கில் நௌமன் அலி 6, ஷாஹீன் ஷா அஃப்ரிதி 2, சஜித் கான், நசீம் ஷா ஆகியோா் தலா 1 விக்கெட் சாய்த்தனா்.
பின்னா் தனது 2-ஆவது இன்னிங்ஸை தொடங்கிய பாகிஸ்தான், செவ்வாய்க்கிழமை ஆட்டநேர முடிவில் 77 ஓவா்களில் விக்கெட் இழப்பின்றி 252 ரன்கள் அடித்திருந்தது. அப்துல்லா ஷஃபிக் 15 பவுண்டரிகள், 1 சிக்ஸருடன் 136, இமாம் உல் ஹக் 7 பவுண்டரிகள், 2 சிக்ஸா்களுடன் 111 ரன்கள் சோ்த்து ஆட்டமிழக்காமல் இருந்தனா். இமாம் உல் ஹக் ஆட்டநாயகன் ஆனாா்.
பாகிஸ்தான் - ஆஸ்திரேலியா அணிகள் மோதும் 2-ஆவது டெஸ்ட், கராச்சி நகரில் வரும் 12-ஆம் தேதி தொடங்குகிறது.