ஐபிஎல் 2023 போட்டியிலிருந்து பிரபல வீரர் சாம் பில்லிங்ஸ் விலகியுள்ளார்.
இங்கிலாந்தைச் சேர்ந்த 31 வயது விக்கெட் கீப்பர் - பேட்டரான சாம் பில்லிங்ஸ், கடந்த வருட ஐபிஎல் ஏலத்தில் ரூ. 2 கோடிக்கு கொல்கத்தா அணிக்குத் தேர்வானார். 8 ஆட்டங்களில் விளையாடி 169 ரன்கள் எடுத்தார். ஸ்டிரைக் ரேட் - 122.46. கொல்கத்தா அணி 7-ம் இடம் பிடித்தது. இதற்கு முன்பு சிஎஸ்கே அணியிலும் விளையாடியுள்ளார்.
இந்நிலையில் ஐபிஎல் 2023 போட்டியிலிருந்து விலகுவதாக சாம் பில்லிங்ஸ் அறிவித்துள்ளார். கெண்ட் அணியில் பங்கேற்று டெஸ்ட் கிரிக்கெட்டில் கவனம் செலுத்தப் போகிறேன் என்று அவர் கூறியுள்ளார்.