மேற்கிந்திய தீவுகள் அணிக்கு உலகக் கோப்பை வென்ற வீரர் பயிற்சியாளராக நியமனம்! 

டேரன் சமி தலைமையில் டி20 உலகக் கோப்பையை 2012, 2016 என இருமுறை மே.இ. தீவுகள் அணி வென்றுள்ளது. அவருக்கு 2016இல் செயிண்ட் லூச்யாவிலுள்ள பியாஸ்ஜார் கிரிக்கெட் மைதானத்திற்கு அவருடைய பெயர் சூட்டப்பட்டது குறிப்பிடத்தக்கது. 

39 வயது சமி, மே.இ, தீவுகள் அணிக்காக 38 டெஸ்டுகள், 126 ஒருநாள், 68 டி20 ஆட்டங்களில் விளையாடியுள்ளார். கடைசியாக 2017-ல் விளையாடினார். ஏற்கனவே மே.இ. தீவுகள் கிரிக்கெட் வாரியத்தின் உறுப்பினர் அல்லாத இயக்குநராக டேரன் சமி தேர்வு செய்யப்பட்டிருந்தார்.

இதையும் படிக்க: உலகத்திலேயே சிலரால் மட்டும்தான் இந்த ஷாட்டை விளையாட முடியும்: சூர்யகுமாருக்கு சச்சின் புகழாரம்! 

இந்நிலையில் மே.இ.தீவுகள் கிரிக்கெட் வாரியம் டேரன் சமியை மே.இ. தீவுகள் அணிக்கு (ஒருநாள் மற்றும் டி20 அணிகளுக்கு) தலைமை பயிற்சியாளராக நியமித்துள்ளது. ஆண்ட்ரே கோலேயை டெஸ்ட் போட்டிக்கு தலைமை பயிற்சியாளராக அறிவித்துள்ளதும் குறிப்பிடத்தக்கது. இது குறித்து சமி கூறியதாவது: 

இது சவாலன விஷயமாக இருந்தாலும் எனக்கு பிடித்திருக்கிறது. நான் தயாரக இருக்கிறேன். நான் வீரராக இருந்தபோது ஏற்படுத்திய அதே தாக்கத்தை டிரெஸ்ஸிங் ரூமில் தற்போதும் ஏற்படுத்துவேன். கிரிக்கெட் மீதான ஆர்வம், வெற்றியின் ஆசை, மே.இ.தீவுகள் மீதான அளவற்ற அன்பையும் அவர்களுக்கு கற்றுத் தருவேன். எனது திறமையை வீரர்களுக்கு கற்றுத்தர ஆவலுடன் இருக்கிறேன்.