ஒருநாள் போட்டிகளில் அதிக ரன்கள் குவித்தவர்கள் பட்டியலில் இந்திய அணியின் விராட் கோலி இலங்கையின் சனத் ஜெயசூர்யாவை பின்னுக்குத் தள்ளி 4-வது இடத்துக்கு முன்னேறியுள்ளார்.
உலகக் கோப்பையில் நேற்று முன் தினம் (அக்டோபர் 22) இந்தியா - நியூசிலாந்து அணிகளுக்கு இடையிலான போட்டி நடைபெற்றது. இந்தப் போட்டியில் இந்திய அணி 4 விக்கெட்டுகள் வித்தியாசத்தில் வெற்றி பெற்று புள்ளிப்பட்டியலில் முதல் இடத்துக்கு முன்னேறியது. இந்தப் போட்டியில் இந்திய அணியின் விராட் கோலி 95 ரன்கள் குவித்து வெற்றிக்கு வித்திட்டார். இந்தப் போட்டியின்போது ஒருநாள் போட்டிகளில் அதிக ரன்கள் குவித்த 4-வது வீரர் என்ற சாதனையையும் அவர் படைத்தார்.
ஒருநாள் போட்டிகளில் அதிக ரன்கள் குவித்த வீரர்கள்
வீரர் | போட்டிகள் | ரன்கள் |
சச்சின் டெண்டுல்கர் | 463 | 18426 |
குமார் சங்ககாரா | 404 | 14234 |
ரிக்கி பாண்டிங் | 375 | 13704 |
விராட் கோலி | 286 | 13437 |
சனத் ஜெயசூர்யா | 445 | 13430 |