யுஎஸ் ஓபன்: ஜோகோவிச் சாம்பியன்

யுஎஸ் ஓபன் டென்னிஸ் தொடரில் செர்பிய வீரர் நோவக் ஜோகோவிச் சாம்பியன் பட்டம் வென்று அசத்தினார்.
ஆண்டின் இறுதி கிராண்ட்ஸ்லாமான யுஎஸ் ஓபன் நியூயாா்க்கில் நடைபெற்று வந்தது. அதில் ஆடவா் ஒற்றையா் பிரிவு இறுதி ஆட்டத்தில் ஜாம்பவான் ஜோகோவிச்-ரஷியாவின் டெனில் மேத்வதேவ் ஆகியோா் ஞாயிற்றுக்கிழமை மோதினா். 
விறுவிறுப்பாக நடைபெற்ற இந்த ஆட்டத்தில் 6-3, 7-6, 6-3 என்ற செட் கணக்கில் ரஷியாவின் டெனில் மேத்வதேவை, ஜோகோவிச் வீழ்த்தினார். யுஎஸ் ஓபன் பட்டத்தை வென்றதன் மூலம் 24 கிராண்ட்ஸ்லாம் பட்டம் வென்று உலக சாதனையை ஜோகோவிச் சமன் செய்தார். 
ஜோகோவிக் இதுவரை 10 ஆஸ்திரேலிய ஓபன், 7 விம்பிள்டன், 4 யுஎஸ் ஓபன் மற்றும் 3 பிரெஞ்சு ஓபன் பட்டங்களை வென்றுள்ளார் என்பது குறிப்பிடத்தக்கது.