இந்தியா - ஆஸ்திரேலியா இடையேயான 3 போட்டிகள் கொண்ட ஒருநாள் தொடரை ஜியோ சினிமாவில் இலவசமாகப் பார்க்கலாம் என ஜியோ நிறுவனம் அறிவித்துள்ளது.
ஆஸ்திரேலிய அணி இந்தியாவில் சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடரில் விளையாட உள்ளது. இரு அணிகளுக்கும் இடையிலான இந்த ஒருநாள் தொடர் செப்டம்பர் 22 ஆம் தேதி முதல் தொடங்குகிறது.
இதையும் படிக்க: துனித் வெல்லாலகே மிகவும் அபாயகரமான பந்துவீச்சாளர்: கே.எல்.ராகுல்
இந்த நிலையில், இந்தியா - ஆஸ்திரேலியா இடையேயான 3 போட்டிகள் கொண்ட ஒருநாள் தொடரை ஜியோ சினிமாவில் இலவசமாகப் பார்க்கலாம் என ஜியோ நிறுவனம் அறிவித்துள்ளது.
இது தொடர்பாக ஜியோ நிறுவனம் தரப்பில் கூறியிருப்பதாவது: இந்தியா - ஆஸ்திரேலிய அணிகளுக்கு இடையிலான 3 போட்டிகள் கொண்ட ஒருநாள் தொடரை ஜியோ சினிமாவில் இலவசமாக காணலாம். தமிழ், ஆங்கிலம், ஹிந்தி உள்பட 11 மொழிகளில் ஜியோ சினிமாவில் காணலாம் எனத் தெரிவிக்கப்பட்டுள்ளது.
உலகக் கோப்பை தொடருக்கு முன்னதாக நடைபெறும் தொடர் என்பதால் இரு அணிகளுக்கும் இடையிலான இந்த ஒருநாள் தொடர் முக்கியத்துவம் பெறுகிறது.
இந்தியா - ஆஸ்திரேலியா போட்டி விவரம்
செப்ம்பர் 22 - முதல் ஒருநாள் போட்டி
செப்டம்பர் 24 - இரண்டாவது ஒருநாள் போட்டி
செப்டம்பர் 27 - மூன்றாவது ஒருநாள் போட்டி