ஆசியக் கோப்பை, உலகக் கோப்பை போட்டிகளை இலவசமாக எதில் பார்க்கலாம்? 

ஆசியக் கோப்பை போட்டிகள் இலங்கை மற்றும் பாகிஸ்தானில் நடைபெற உள்ளன. இந்தியா பாகிஸ்தான் போட்டிகள் இலங்கையில் நடைபெற உள்ளதும் குறிப்பிடத்தக்கது. இந்த முறை ஒருநாள் உலகக் கோப்பை நடைபெற உள்ளதால் ஆசியக் கோப்பை போட்டிகள் 50 ஓவர் போட்டிகளாக நடைபெற உள்ளன. 

ஆசியக் கோப்பை போட்டிகள் ஆக.30ஆம் நாள் தொடங்கி செப்.17ஆம் நாள் முடிவடைய உள்ளன. 

இதையும் படிக்க: அல்காரஸின் விடாமுயற்சி எனக்கு நடாலை நினைவுப்படுத்தியது: ஜோகோவிச்

ஒருநாள் உலகக் கோப்பை போட்டிகள் அக்.5ஆம் நாள் தொடங்கி நவ.19ஆம் நாள் முடிவடைய உள்ளன. இந்தியாவில் நடைபெறும் போட்டிகள் என்பதால் இந்திய ரசிகர்கள் ஆர்வமாக இருக்கிறார்கள். 

இதையும் படிக்க: சூரியன் மீண்டும் உதிக்கும்: ஆசியக் கோப்பையில் இடம்பெறாதது குறித்து சஹால்! 

ஆசியக் கோப்பை, ஒருநாள் உலகக் கோப்பை போட்டிகளை டிஸ்னி ப்ளஸ் ஹாட்ஸ்டார் மொபைல் செயலியில் இலவசமாக பார்க்கலாம். லேப்டாப் அல்லது மிகப் பெரிய திரையில் பார்க்க வேண்டுமானால் சந்தா  செலுத்தி பார்க்கலாம் என அறிவிக்கப்பட்டுள்ளது. 

வருடத்திற்கு ரூ.1499 சந்தாவும் (பிரீமியம்) மாதாந்திரம் ரூ.299 சந்தாவும் (பிரீமியம்) வருடத்திற்கு ரூ.899 விலையிலும் சந்தாக்கள் இருப்பது குறிப்பிடத்தக்கது.