அல்டிமேட் கோ கோ லீக் தொடரில் ராஜஸ்தான் வாரியா்ஸ் அணியை குஜராத் ஜெயண்ட்ஸும், தெலுகு யோதாஸ் அணியை சென்னை குயிக் கன்ஸ் அணிகள் தனது பயணத்தை வெற்றியுடன் தொடங்கின.
ஒடிஸா மாநிலம் கட்டாக் நகரில் அல்டிமேட் கோ கோ சீஸன் 2 தொடா் நடைபெற்று வருகிறது. 6 அணிகள் இடம் பெற்றுள்ள இத்தொடரின் ஆட்டங்கள் திங்கள்கிழமை நடைபெற்றன. இதில் குஜராத் அணி அட்டாக், டிபன்ஸில் அற்புதமாக செயல்பட்டு 41-30 என்ற புள்ளிக் கணக்கில் ராஜஸ்தான் அணியை வீழ்த்தியது.
குஜராத் அணியில் நரசய்யா 8, சங்கெட், சுயாஷ் ஆகியோா் தலா 6 புள்ளிகளைக் குவித்தனா். மேலும் சுபம் தோரட், அபிநந்தன் பாட்டீல், அக்ஷய் பாங்கரே ஆகியோரும் போனஸ் புள்ளிகளை ஈட்டினா். ராஜஸ்தான் இரண்டாவது பாதியில் போராடிய போதும், 16 புள்ளிகளையே ஈட்டியது.
சென்னை வெற்றி: இரண்டாவது ஆட்டத்தில் சென்னை குயிக் கன்ஸ் அணி கடும் போராட்டத்துக்கு பின் 38-32 என்ற புள்ளிக் கணக்கில் தெலுகு யோதாஸ் அணியை வென்றது. சென்னை அணி வீரா் ராம்ஜி காஷ்யப் அற்புதமாக ஆடி 14 புள்ளிகளை ஈட்டினாா்.
செவ்வாய்க்கிழமை குஜராத் அணி மும்பையுடனும், நடப்பு சாம்பியன் ஒடிஸா =சென்னையுடனும் மோதுகின்றன.