இந்திய மண்ணில் தொடர்ந்து சொதப்பி வரும் புஜாரா!

சமீபகாலமாக இந்தியாவில் விளையாடும் டெஸ்டுகளில் குறைந்த ரன்களுக்கு ஆட்டமிழந்து வருகிறார் புஜாரா.

ஆஸ்திரேலிய அணி இந்தியாவுக்குச் சுற்றுப்பயணம் செய்து 4 டெஸ்டுகள், 3 ஒருநாள் ஆட்டங்களில் விளையாடுகிறது. டெஸ்ட் தொடர், இன்று முதல் தொடங்கியுள்ளது. நாகபுரியில் நடைபெற்று வரும் முதல் டெஸ்டில் டாஸ் வென்ற ஆஸி. அணி கேப்டன் கம்மின்ஸ், பேட்டிங்கைத் தேர்வு செய்தார்.

 ஆஸ்திரேலிய அணி முதல் இன்னிங்ஸில் 63.5 ஓவர்களில் 177 ரன்களுக்கு அனைத்து விக்கெட்டுகளையும் இழந்தது. இந்திய அணி 2-வது நாளன்று தனது முதல் இன்னிங்ஸைத் தொடர்ந்து விளையாடி வருகிறது. 

இன்று, புஜாரா 7 ரன்களில் மர்ஃபி பந்தில் ஆட்டமிழந்தார். 

2002-ல் இந்திய அணி 7 டெஸ்டுகளில் விளையாடியது. அதில், புஜாரா 5 டெஸ்டுகளில் விளையாடினார். இந்நிலையில் சொந்த மண்ணில் சமீபகாலமாக மோசமாக விளையாடி வருகிறார் புஜாரா. 

2021 முதல் இந்தியாவில் விளையாடிய 11 இன்னிங்ஸில் 235 ரன்கள் மட்டுமே எடுத்துள்ளார். சராசரி - 21. ஒரு அரை சதம் மட்டும். அதிகபட்ச ஸ்கோரே - 73 தான். 

இதன் காரணமாக அணியிலிருந்து புஜாரா நீக்கப்பட வாய்ப்புள்ளதா? நிச்சயமாக இல்லை. சமீபத்தில் வங்கதேசத்தில் ஒரே டெஸ்டில் 90, 102* என ரன்கள் எடுத்தார் புஜாரா. கடைசி 3 டெஸ்டுகளில் ஒரு சதமும் இரு அரை சதங்களும் எடுத்துள்ளார். அதனால் புஜாராவுக்கு முழு தொடரிலும் விளையாட வாய்ப்பு கிடைத்தாலும் ஆச்சர்யப்பட முடியாது. 

ஆச்சர்யமடைந்த மஞ்ச்ரேக்கர்: முரளி விஜய் கோபம்!

டெஸ்ட் சதம்: புதிய சாதனை படைத்த ரோஹித் சர்மா!

உயரப் பறக்கும் தெலுங்குக் கொடி: ஆந்திர முதல்வர் பெருமிதம்!