ஐபிஎல்: லக்னெள அணியின் புதிய சீருடையை விமர்சிக்கும் ரசிகர்கள்!

லக்னெள அணியின் புதிய சீருடையை ரசிகர்கள் பலரும் விமர்சனம் செய்துள்ளார்கள்.

ஐபிஇல் 2022 போட்டியில் புதிதாகக் களமிறங்கிய கே.எல். ராகுல் தலைமையிலான லக்னெள சூப்பர் ஜெயன்ட்ஸ், பிளேஆஃப் சுற்றுக்குத் தகுதி பெற்றது. ஐபிஎல் 2023 போட்டிக்கான வீரர்கள் ஏலத்தில் மேற்கிந்தியத் தீவுகள் அணி வீரர் நிகோலஸ் பூரனை ரூ. 16 கோடிக்குத் தேர்வு செய்தது. கே.எல். ராகுல், டி காக், நிகோலஸ் பூரன், தீபக் ஹூடா, ஸ்டாய்னிஸ், கிருனாள் பாண்டியா, மார்க் வுட், பிஸ்னோய், அவேஷ் கான் போன்ற பிரபல வீரர்கள் லக்னெள அணியில் உள்ளார்கள். 

ஐபிஎல் 2023 போட்டிக்கான லக்னெள அணியின் புதிய சீருடை நேற்று அறிமுகம் செய்துவைக்கப்பட்டுள்ளது. மேலும் புதிய சீருடையை கே.எல். ராகுல் அணிந்து எடுத்த புகைப்படமும் சமூகவலைத்தளத்தில் பகிரப்பட்டது.

புதிய சீருடையில் அணியின் பெயரும் லோகோவும் சரியாகத் தெரியாதது பெரிய குறையாக உள்ளது. மேலும் தில்லி, மும்பை, குஜராத் ஆகிய அணிகளின் சீருடை நீல வண்ணத்தில் உள்ள நிலையில் மீண்டும் மற்றொரு ஐபிஎல் அணியின் சீருடையும் அதே வண்ணத்தில் ஏன் இருக்க வேண்டும் என்கிற கேள்வியும் எழுந்துள்ளது. பிபிஎல் போட்டியில் விதவிதமான வண்ணங்களில் அணிகளின் சீருடை உள்ளது. அதுபோன்று ஐபிஎல்-லிலும் இருக்க வேண்டும் என்று ரசிகர்கள் கருத்து தெரிவித்துள்ளார்கள். 

முக்கியமான சீருடையில் அணியின் பெயரும் இலச்சினையும் சரியாகத் தெரியாததால் சீருடையின் வடிவமைப்பில் மாற்றம் வேண்டும் என்று பல ரசிகர்களும் கோரிக்கை விடுத்துள்ளார்கள். 

உலக டெஸ்ட் சாம்பியன்ஷிப்: 4-வது டெஸ்டிலும் இந்தியா தோற்றால் என்ன ஆகும்?

நடிகை ராஷ்மிகா மந்தனா மீது ஈர்ப்பா?: இன்ஸ்டாவில் ஷுப்மன் கில் பதில்!

பேட்டிங் காரணமாக கே.எஸ். பரத் நீக்கப்படுகிறாரா?: ஆகாஷ் சோப்ரா எழுப்பும் கேள்விகள்

ஆர்சிபி... ஏலம்... போன் அழைப்பு: மேக்ஸ்வெல் பகிர்ந்த அனுபவம்!

ஐஎஸ்எல் சர்ச்சை: கேரள அணியின் கோரிக்கை நிராகரிப்பு!