மேலும் ஒருவர் காயம்; நியூசிலாந்து அணியுடன் இணையும் பிரபல வேகப் பந்துவீச்சாளர்!

நியூசிலாந்து அணியின் வேகப் பந்துவீச்சாளர் மாட் ஹென்றிக்கு காயம் ஏற்பட்டுள்ளதால் வேகப் பந்துவீச்சாளார் கைல் ஜேமிசன் இந்தியாவுக்கு வரவழைக்கப்பட்டுள்ளார்.
மேலும் ஒருவர் காயம்; நியூசிலாந்து அணியுடன் இணையும் பிரபல வேகப் பந்துவீச்சாளர்!

நியூசிலாந்து அணியின் வேகப் பந்துவீச்சாளர் மாட் ஹென்றிக்கு காயம் ஏற்பட்டுள்ளதால் வேகப் பந்துவீச்சாளார் கைல் ஜேமிசன் இந்தியாவுக்கு வரவழைக்கப்பட்டுள்ளார்.

நியூசிலாந்து அணியின்  கேப்டன் கேன் வில்லியம்சன், லாகி பெர்க்யூசன் மற்றும் மார்க் சேப்மேன்  ஆகியோர் காயம் காரணமாக பிளேயிங் லெவனில் இடம்பெறவில்லை. அந்த வரிசையில் தற்போது மாட் ஹென்றி மற்றும் ஜேம்ஸ் நீஷம் இணைந்துள்ளனர். நியூசிலாந்து அணிக்காக மாட் ஹென்றி சிறப்பான பந்துவீச்சை வெளிப்படுத்தி வருகிறார். அவருக்கு தற்போது காயம் ஏற்பட்டுள்ளதால் பாகிஸ்தானுக்கு எதிரான முக்கியமான போட்டியில் அவர் நியூசிலாந்து பிளேயிங் லெவனில் இடம்பெறுவாரா என்ற சந்தேகம் எழுந்துள்ளது.

இது தொடர்பாக நியூசிலாந்து அணியின் தலைமைப் பயிற்சியாளர் கேரி ஸ்டெட் கூறியதாவது: மாட் ஹென்றிக்கு காயம் ஏற்பட்டுள்ளது. அவர் பாகிஸ்தானுக்கு எதிரான போட்டியில் விளையாடுவது சந்தேகம். அவருக்கு ஸ்கேன் செய்யப்பட்டுள்ளது. ஸ்கேன் முடிவுகளுக்காக காத்திருக்கிறோம். ஒருநாள் போட்டிகளில் மாட் ஹென்றி நியூசிலாந்து அணிக்காக சிறப்பான பங்களிப்பை வழங்கியுள்ளார். நியூசிலாந்து அணியின் கைல் ஜேமிசன் தயாராக இருக்கிறார். அவர் நியூசிலாந்து அணியுடன் இணைய உள்ளார். அவர் நாளை மறுநாள் (நவம்பர் 4) நடைபெறும் போட்டிக்கு அணியில் இணைவதற்கு தயாராக இருப்பார் என்றார்.

இந்த உலகக் கோப்பைத் தொடரில் முதல் 4 போட்டிகளில் தொடர்ச்சியாக வெற்றிகளை பெற்ற நியூசிலாந்து அணி கடந்த 3 போட்டிகளில் தோல்விகளை சந்தித்துள்ளது. இதன்மூலம்,  8 புள்ளிகளுடன் புள்ளிப்பட்டியலில் நியூசிலாந்து 4-வது இடத்தில் உள்ளது.

நாளை மறுநாள் (நவம்பர் 4) பெங்களூருவில் நடைபெறும் போட்டியில் நியூசிலாந்து பாகிஸ்தானை எதிர்கொள்வது குறிப்பிடத்தக்கது.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com