உலகக் கோப்பை வரலாற்றில் முதல் முறையாக பாகிஸ்தானுக்கு நேர்ந்த சோதனை!

உலகக் கோப்பை வரலாற்றில் முதல் முறையாக பாகிஸ்தான் தொடர்ச்சியாக நான்கு தோல்விகளை சந்தித்துள்ளது.

உலகக் கோப்பையில் சென்னை  சேப்பாக்கம் மைதானத்தில் நடைபெற்ற நேற்றையப் போட்டியில் பாகிஸ்தான் - தென்னாப்பிரிக்கா அணிகள் மோதின. இந்தப் போட்டியில் தென்னாப்பிரிக்கா ஒரு விக்கெட் வித்தியாசத்தில் த்ரில் வெற்றி பெற்றது. நேற்றைப் போட்டியில் ஏற்பட்ட தோல்வியின் மூலம் பாகிஸ்தான் தொடர்ச்சியாக தனது 4-வது தோல்வியை சந்தித்துள்ளது.

இதையும் படிக்க: இந்தியாவுக்கு எதிரான டி20 தொடருக்கான ஆஸ்திரேலிய அணி அறிவிப்பு; அணியை வழிநடத்தும் மூத்த வீரர்!

உலகக் கோப்பை வரலாற்றில் பாகிஸ்தான் இதுபோன்று தொடர்ச்சியாக நான்கு போட்டிகளில் தோல்வியடைவது இதுவே முதல் முறையாகும். இந்த உலகக் கோப்பைத் தொடரில் இதுவரை 6 போட்டிகளில் விளையாடியுள்ள பாகிஸ்தான் 2 வெற்றிகளைப் பெற்று 4 புள்ளிகளுடன் புள்ளிப்பட்டியலில் 6-வது இடத்தில் உள்ளது.

கடந்த 4 போட்டிகளில் பாகிஸ்தான் 

தென்னாப்பிரிக்காவுக்கு எதிராக - ஒரு விக்கெட் வித்தியாசத்தில் தோல்வி
ஆப்கானிஸ்தானுக்கு எதிராக  - 8 விக்கெட்டுகள் வித்தியாசத்தில் தோல்வி
ஆஸ்திரேலியாவுக்கு எதிராக  - 62 ரன்கள் வித்தியாசத்தில் தோல்வி
இந்தியாவுக்கு எதிராக - 7  விக்கெட்டுகள் வித்தியாசத்தில் தோல்வி