அடுத்த ஆண்டு நடைபெறவுள்ள டி20 உலகக் கோப்பை கிரிக்கெட் தொடர் நடைபெறும் இடங்களை இன்று (செப்டம்பர் 22) ஐசிசி அறிவித்துள்ளது.
ஐசிசி டி20 உலகக் கோப்பை அடுத்த ஆண்டு ஜூன் 4 ஆம் தேதி தொடங்கி ஜூன் 30 வரை நடைபெறவுள்ளது. இந்த டி20 உலகக் கோப்பை மேற்கிந்தியத் தீவுகள் மற்றும் அமெரிக்காவில் நடைபெறவுள்ளது. இந்த நிலையில், டி20 உலகக் கோப்பை தொடர் நடைபெறும் இடங்களை ஐசிசி அறிவித்துள்ளது முக்கியத்துவம் பெறுகிறது.
மேற்கிந்தியத் தீவுகளில் 7 இடங்கள் தேர்வு செய்யப்பட்டுள்ளன. ஆண்டிகுவா & பார்புடா, பார்படாஸ், கயானா , செயின்ட் லூசியா, செயின்ட் வின்செண்ட், டிரினாட் & டோபாகோ ஆகிய இடங்கள் தேர்வு செய்யப்பட்டுள்ளன. மேற்கிந்தியத் தீவுகளுடன் இணைந்து இந்த டி20 உலகக் கோப்பைத் தொடரை அமெரிக்காவும் நடத்துகிறது. அமெரிக்காவில் டல்லாஸ், ஃப்ளோரிடா மற்றும் நியூயார்க் ஆகிய இடங்களில் போட்டிகள் நடத்தப்பட உள்ளன.
இது தொடர்பாக ஐசிசி தரப்பில் தெரிவித்திருப்பதாவது: டி20 உலகக் கோப்பை தொடர் நடைபெறவுள்ள மேற்கிந்தியத் தீவுகளின் 7 இடங்களை அறிவிப்பதில் மிகுந்த மகிழ்ச்சியடைகிறோம். இந்த டி20 தொடரில் 20 அணிகள் கோப்பைக்காக தங்களுக்குள் போட்டியிடவுள்ளன. டி20 தொடரை நடத்த தேர்ந்தெடுக்கப்பட்டுள்ள இடங்கள் அனைத்தும் சிறப்பானவை எனத் தெரிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.