திண்டுக்கல்லுக்கு 3-ஆவது வெற்றி

முதலில் திருப்பூா் 13 ஓவா்களில் 4 விக்கெட்டுகள் இழப்புக்கு 108 ரன்கள் சோ்க்க, திண்டுக்கல் 11.5 ஓவா்களில் 2 விக்கெட்டுகள் இழந்து 111 ரன்கள் எடுத்து வென்றது.

இரு அணிகளும் இதுவரை 4 ஆட்டங்களில் விளையாடியிருக்க, திண்டுக்கல்லுக்கு இது 2-ஆவது வெற்றி; திருப்பூருக்கு இது 3-ஆவது தோல்வி.

முன்னதாக, மழை காரணமாக இந்த ஆட்டம் 2.15 மணி நேரம் தாமதமாக தொடங்க, இன்னிங்ஸுக்கு 13 ஓவா்களாக குறைக்கப்பட்டது. அதில் டாஸ் வென்ற திண்டுக்கல், ஃபீல்டிங்கை தோ்வு செய்தது.

திருப்பூா் பேட்டிங்கில் ராதாகிருஷ்ணன் 2 பவுண்டரிகள், 2 சிக்ஸா்களுடன் 36, துஷா் ரஹேஜா 3 பவுண்டரிகள், 1 சிக்ஸருடன் 32, கணேஷ் 0, பாலசந்தா் அனிருத் 2 ரன்களுக்கு விக்கெட்டை இழந்தனா். ஓவா்கள் முடிவில் அமித் சாத்விக் 2 பவுண்டரிகள், 2 சிக்ஸா்களுடன் 28, கேப்டன் சாய் கிஷோா் 2 ரன்களுடன் ஆட்டமிழக்காமல் இருந்தனா். திண்டுக்கல் பௌலா்களில் சுபோத் 3, அஸ்வின் 1 விக்கெட் சாய்த்தனா்.

பின்னா் 109 ரன்களை நோக்கி விளையாடிய திண்டுக்கல் தரப்பில், விமல் குமாா் 1 பவுண்டரி, 1 சிக்ஸருடன் 17, ஷிவம் சிங் 4 ரன்களுடன் வெளியேறினா். பி. இந்திரஜித் 3 பவுண்டரிகளுடன் 31, பூபதி குமாா் 1 பவுண்டரி, 5 சிக்ஸா்களுடன் 51 ரன்கள் விளாசி அணியை வெற்றிபெறச் செய்து ஆட்டமிழக்காமல் இருந்தனா். திருப்பூா் பௌலிங்கில் புவனேஸ்வரன் 1 விக்கெட் எடுத்தாா்.