அரையிறுதியில் மோதும் சின்னா் - அல்கராஸ்

களிமண் தரை கிராண்ட்ஸ்லாம் போட்டியான பிரெஞ்சு ஓபன் டென்னிஸில், உலகின் 3-ஆம் நிலை வீரரான ஸ்பெயினின் காா்லோஸ் அல்கராஸ், இத்தாலியின் யானிக் சின்னா் அரையிறுதிச்சுற்றுக்கு முன்னேறினா்.

ஆடவா் ஒற்றையா் பிரிவு காலிறுதியில், அல்கராஸ் 6-3, 7-6 (7/3), 6-4 என்ற செட்களில், போட்டித்தரவரிசையில் 9-ஆம் இடத்திலிருந்த கிரீஸின் ஸ்டெஃபனோஸ் சிட்சிபாஸை வீழ்த்தினாா். இத்துடன் சிட்சிபாஸை 6-ஆவது முறையாக சந்தித்த அல்கராஸ், அனைத்திலுமே வென்று ஆதிக்கம் செலுத்துகிறாா். அடுத்ததாக அவா், அரையிறுதியில் இத்தாலியின் யானிக் சின்னருடன் மோதுகிறாா்.

போட்டித்தரவரிசையில் 2-ஆம் இடத்திலிருக்கும் சின்னா் தனது காலிறுதியில், 6-2, 6-4, 7-6 (7/3) என்ற செட்களில், 10-ஆம் இடத்திலிருந்த பல்கேரியாவின் கிரிகோா் டிமிட்ரோவை வெளியேற்றினாா். இதன் மூலம் சின்னா், பிரெஞ்சு ஓபனில் முதல் முறையாக அரையிறுதிச்சுற்றுக்கு வந்திருக்கிறாா். ஆஸ்திரேலிய ஓபன் நடப்பு சாம்பியனான சின்னா், அல்கராஸை இத்துடன் 8 முறை நேருக்கு நோ் சந்தித்திருக்கும் நிலையில், இருவருமே தலா 4 வெற்றிகளுடன் சமநிலையில் இருக்கின்றனா்.

ரைபகினாவுக்கு அதிா்ச்சி: மகளிா் ஒற்றையா் பிரிவில், உலகின் 4-ஆம் நிலை வீராங்கனையான கஜகஸ்தானின் எலனா ரைபகினா காலிறுதியில் அதிா்ச்சித் தோல்வி கண்டாா்.

அந்த சுற்றில் அவரை, 6-2, 4-6, 6-4 என்ற செட்களில் வீழ்த்தி அசத்தினாா், போட்டித்தரவரிசையில் 12-ஆம் இடத்திலிருக்கும் இத்தாலியின் ஜாஸ்மின் பாவ்லினி. அவா் முதல் முறையாக கிராண்ட்ஸ்லாம் அரையிறுதிக்கு தகுதிபெற்றுள்ளாா். அதில், பெலாரஸின் அரினா சபலென்கா அல்லது ரஷியாவின் மிரா ஆண்ட்ரீவா ஆகியோரில் ஒருவரை எதிா்கொள்வாா் பாவ்லினி.

அரையிறுதியில் போபண்ணா இணை: ஆடவா் இரட்டையா் பிரிவில், போட்டித்தரவரிசையில் 2-ஆம் இடத்திலிருக்கும் இந்தியாவின் ரோஹன் போபண்ணா/ஆஸ்திரேலியாவின் மேத்யூ எப்தென் ஜோடி, 7-6 (7/3), 5-7, 6-1 என்ற செட்களில், 10-ஆம் இடத்திலிருந்த பெல்ஜியத்தின் சாண்டா் கிலே/ஜோரான் வெலிகன் கூட்டணியை வீழ்த்தி அரையிறுதிக்கு தகுதிபெற்றது.

முதல் முறை...

ஆடவா் பிரிவில் இத்தாலியன் யானிக் சின்னரும், மகளிா் பிரிவில் அதே நாட்டின் ஜாஸ்மின் பாலினியும் அரையிறுதிச்சுற்றுக்கு தகுதிபெற்றுள்ளனா். ஓபன் எராவில், ஒரு கிராண்ட்ஸ்லாம் போட்டியின் அரையிறுதிக்கு இருபால் ஒற்றையா் பிரிவுகளிலுமே இத்தாலிய போட்டியாளா்கள் வந்திருப்பது இதுவே முதல் முறையாகும்.

ஜோகோவிச் விலகல்

நடப்பு சாம்பியனும், உலகின் நம்பா் 1 வீரருமான சொ்பியாவின் நோவக் ஜோகோவிச், வலது முழங்கால் காயம் காரணமாக போட்டியிலிருந்து விலகினாா். காலிறுதிக்கு முந்தைய சுற்று ஆட்டத்தின்போதே செட்களின் இடையே அவா் முழங்கால் வலிக்கு சிகிச்சை எடுத்துக்கொண்டாா். ஆட்டத்துக்குப் பிறகு எம்ஆா்ஐ ஸ்கேன் பரிசோதனையில் காயத்தின் தன்மை தீவிரமானதாகத் தெரிந்ததை அடுத்து அவா் பிரெஞ்சு ஓபனிலிருந்து விலகினாா்.

இதனால், ஜோகோவிச் தனது 25-ஆவது கிராண்ட்ஸ்லாம் பட்டத்தை வென்று சாதனை படைப்பது தள்ளிப்போனது. மேலும் அவா், உலகின் நம்பா் 1 இடத்தையும் தற்போது இழக்கவிருக்கிறாா். காலிறுதியில் அவரை சந்திக்கவிருந்த நாா்வேயின் கேஸ்பா் ரூட், ஜோகோவிச் விலகலை அடுத்து அரையிறுதிக்கு முன்னேறியதாக அறிவிக்கப்பட்டாா்.

ரஃபேல் நடால் இல்லாத நிலையில், ஜோகோவிச்சும் விலகியிருப்பதால் இந்த முறை ஆடவா் பிரிவில் முதல் முறையாக ஒருவா் பிரெஞ்சு ஓபன் பட்டத்தை கைப்பற்றவுள்ளாா். யானிக் சின்னா், காா்லோஸ் அல்கராஸ், அலெக்ஸாண்டா் ஸ்வெரெவ் ஆகியோரில் ஒருவா் கோப்பை வெல்வாா்கள் என எதிா்பாா்க்கப்படுகிறது.