10-வது விக்கெட்டுக்கு அதிக ரன்கள் சேர்த்த 4-வது ஆஸ்திரேலிய இணை!

கேமரூன் கிரீன் மற்றும் ஜோஸ் ஹேசில்வுட் இணை 10-வது விக்கெட்டுக்கு 116 ரன்கள் சேர்த்தது.
10-வது விக்கெட்டுக்கு அதிக ரன்கள் சேர்த்த 4-வது ஆஸ்திரேலிய இணை!

நியூசிலாந்துக்கு எதிரான முதல் டெஸ்ட் போட்டியில் கேமரூன் கிரீன் மற்றும் ஜோஸ் ஹேசில்வுட் இணை 10-வது விக்கெட்டுக்கு 116 ரன்கள் சேர்த்தது.

ஆஸ்திரேலியா மற்றும் நியூசிலாந்து அணிகளுக்கு இடையிலான முதல் டெஸ்ட் போட்டி வெலிங்டனில் நடைபெற்று வருகிறது. இந்தப் போட்டியில் முதலில் பேட் செய்த ஆஸ்திரேலிய அணி முதல் இன்னிங்ஸில் 383 ரன்களுக்கு ஆட்டமிழந்தது. அபார ஆட்டத்தை வெளிப்படுத்திய கேமரூன் கிரீன் 174 ரன்கள் எடுத்து கடைசி வரை களத்தில் இருந்தார். 10-வது விக்கெட்டுக்கு ஜோடி சேர்ந்த கிரீன் மற்றும் ஹேசில்வுட் 116 ரன்கள் சேர்த்தனர்.

டெஸ்ட் போட்டிகளில் 10-வது விக்கெட் பார்ட்னர்ஷிப்புக்கு ஆஸ்திரேலிய அணியால் எடுக்கப்பட்ட 4-வது அதிகபட்ச ஸ்கோர் இதுவாகும்.

டெஸ்ட் போட்டிகளில் 10-வது விக்கெட் பார்ட்னர்ஷிப் எடுத்த அதிகபட்ச ஸ்கோர் விவரம்

1. பிலிப் ஹியூஸ் & அஹர் - 163 ரன்கள் - இங்கிலாந்துக்கு எதிராக, 2013

2. டெய்லர் & மைலி - 127 ரன்கள் - இங்கிலாந்துக்கு எதிராக, 1924

3. டஃப் & ஆம்ஸ்டிராங் - 120 ரன்கள் - இங்கிலாந்துக்கு எதிராக, 1902

4. கேமரூன் கிரீன் & ஜோஸ் ஹேசில்வுட் - 116 ரன்கள் - நியூசிலாந்துக்கு எதிராக, 2024

5. கில்லெஸ்பி & கிளன் மெக்ராத் - 114 ரன்கள் - நியூசிலாந்துக்கு எதிராக, 2004

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com