ஆப்கனில் மருத்துவமனை மீது பாகிஸ்தான் ஏவுகணைத் தாக்குதல்! 400 பேர் பலி!!தோ்தல் நடத்தை விதிகள்: கடுமையாக அமல்படுத்த உத்தரவு!எரிவாயு உருளை தட்டுப்பாடு: மின்நுகா்வு அதிகரிப்பு!இந்திய ஏற்றுமதி பிப்ரவரி மாதத்தில் ரூ. 3.37 லட்சம் கோடியாக சரிவு!8 எதிா்க்கட்சி எம்.பி.க்களின் இடைநீக்க உத்தரவு: இன்று திரும்பப்பெற வாய்ப்பு!24 மணி நேரத்தில் சென்றடையும் விரைவு தபால் சேவை: மத்திய அரசு இன்று அறிமுகம்!ஈரான் போர்: ஆடை விலையை 5% உயா்த்த உற்பத்தியாளா்கள் முடிவு
/

அா்ஜுன், ஹரிகிருஷ்ணா ‘டிரா’

ஃபிடே உலகக் கோப்பை செஸ் போட்டியின் 5-ஆவது சுற்றில், இந்தியாவின் அா்ஜுன் எரிகைசி, பி.ஹரிகிருஷ்ணா ஆகியோா் தங்களின் முதல் கேமை வெள்ளிக்கிழமை ‘டிரா’ செய்தனா்.

News image
- SWAMINATHAN
Updated On :14 நவம்பர் 2025, 10:07 pm

தினமணி செய்திச் சேவை

ஃபிடே உலகக் கோப்பை செஸ் போட்டியின் 5-ஆவது சுற்றில், இந்தியாவின் அா்ஜுன் எரிகைசி, பி.ஹரிகிருஷ்ணா ஆகியோா் தங்களின் முதல் கேமை வெள்ளிக்கிழமை ‘டிரா’ செய்தனா்.

இதில், அமெரிக்காவின் லெவோன் ஆரோனியனை சந்தித்த அா்ஜுன், வெள்ளை நிற காய்களுடன் விளையாடி 42-ஆவது நகா்த்தலில் டிரா (0.5-0.5) செய்தாா்.

மெக்ஸிகோவின் ஜோஸ் மாா்டினெஸை எதிா்கொண்டுள்ள ஹரிகிருஷ்ணா, கருப்பு நிற காய்களுடன் விளையாடி அதே எண்ணிக்கையிலான நகா்த்தலில் முதல் கேமை டிரா செய்திருக்கிறாா்.

இதனிடையே இதர ஆட்டங்களில், உஸ்பெகிஸ்தானின் நோடிா்பெக் யாகுபோவ் - ஆா்மீனியாவின் கேப்ரியல் சா்கிசியானுடனும், சீனாவின் லியம் லி - ஜொ்மனியின் அலெக்ஸாண்டா் டான்சென்கோவுடனும் டிரா செய்தனா்.

ரஷியாவின் டேனியல் டுபோவ் - அமெரிக்காவின் சாம் ஷாங்க்லேண்ட், சீனாவின் வெய் யி - அமெரிக்காவின் சாம் சேவியன் ஆகியோா் மோதலும் டிராவில் முடிய, உஸ்பெகிஸ்தானின் ஜாவோகிா் சிந்தாரோவ் - ஜொ்மனியின் ஃப்ரெடெரிக் ஸ்வேனை சாய்த்தாா் (1-0).

5-ஆவது சுற்றின் 2-ஆவது கேம் ஆட்டங்களில் இவா்களே சனிக்கிழமை (நவ. 15) மோதுகின்றனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.