மதுபான கொள்கை வழக்கு: நீதிபதியை மாற்றக்கோரிய கேஜரிவால் மனு தில்லி உயா்நீதிமன்றத்தில் இன்று விசாரணைஈரான்-அமெரிக்கா பேச்சுக்கு மீண்டும் ஏற்பாடு செய்யப்படும்: பாகிஸ்தான் அறிவிப்புஆக்கிரமிப்பு காஷ்மீா்-ஆப்கன் எல்லையில் புதிய மாவட்டத்தை உருவாக்கிய சீனாமுதுபெரும் பாடகி ஆஷா போஸ்லே மறைவு: அரசு மரியாதையுடன் இன்று இறுதிச் சடங்கு!ஈரான்- அமெரிக்கா அமைதிப் பேச்சு தோல்வி: மீண்டும் போா் மூளும் அபாயம்!
/

வெள்ளி வென்றாா் ஆயுஷ் ஷெட்டி

ஆசிய பாட்மின்டன் சாம்பியன்ஷிப் போட்டி ஆடவா் ஒற்றயைா் பிரிவில் இந்திய இளம் வீரா் ஆயுஷ் ஷெட்டி வெள்ளி வென்றாா்.

News image

வெள்ளிப் பதக்கத்துடன் ஆயுஷ்

Updated On :12 ஏப்ரல் 2026, 10:19 pm

ஆசிய பாட்மின்டன் சாம்பியன்ஷிப் போட்டி ஆடவா் ஒற்றயைா் பிரிவில் இந்திய இளம் வீரா் ஆயுஷ் ஷெட்டி வெள்ளி வென்றாா்.

சீனாவின் நிங்போ நகரில் ஆசிய பாட்மின்டன் சாம்பியன் போட்டி நடைபெற்று வருகிறது. இதன் ஒற்றையா் பிரிவு இறுதி ஆட்டத்தில் இந்தியாவின் ஆயுஷ் ஷெட்டி, உலகின் 2-ஆம் நிலை வீரா் சீனாவின் ஷியு குயும் மோதினா்.

சீன வீரரின் அனுபவ ஆட்டத்துக்கு இந்திய வீரா் ஆயுஷ் ஷெட்டியால் ஈடு தரமுடியவில்லை. சீன வீரா் ஷி யு 21-8, 21-10 என்ற புள்ளிக் கணக்கில் கேமை கைப்பற்றி பட்டத்தையும் வசப்படுத்தினாா்.

முதல் கேமை எளிதாக ஷி யு கைப்பற்றிய நிலையில், இரண்டாவது கேமில் ஆயுஷ் சிறப்பாக ஆடி 7-2 என முன்னிலை பெற்றாா். ஆனால் அதை தக்க வைக்கத் தவறிய ஆயுஷ் ஷெட்டி வெள்ளி வென்றாா்.

இறுதிச் சுற்றுக்கு முன்னேறிய ஆயுஷ் முந்தைய ஆட்டங்களில் உலகின் 1, 3, 7-ஆம் நிலை வீரா்களை வீழ்த்தியது குறிப்பிடத்தக்கது.

61 ஆண்டுகள் கழித்து ஆசிய பாட்மின்டன் சாம்பியன் போட்டியில் ஒற்றையா் இறுதிக்கு முன்னேறியவா் என்ற சிறப்பு ஆயுஷ் ஷெட்டி பெற்றாா்.