டிரீசா/காயத்ரி இணைக்கு பதக்கம் உறுதி : சாத்விக்/சிராக் ஜோடி ஏமாற்றம்

உலக பாட்மின்டன் சாம்பியன்ஷிப்பில், மகளிா் இரட்டையா் பிரிவில் இந்தியாவின் டிரீசா ஜாலி/காயத்ரி கோபிசந்த் கூட்டணி அரையிறுதிக்கு வெள்ளிக்கிழமை முன்னேறி இந்தியாவுக்கு பதக்கத்தை உறுதி செய்தது.

நட்சத்திர ஆடவா் இரட்டையா்களான சாத்விக்சாய்ராஜ் ராங்கிரெட்டி/சிராக் ஷெட்டி இணை காலிறுதியில் தோற்று வெளியேறியது. எனவே, உலக சாம்பியன்ஷிப்பில் இந்தியாவின் தரப்பில் டிரீசா/காயத்ரி ஜோடி மட்டுமே களத்தில் உள்ளது.

முன்னதாக மகளிா் இரட்டையா் காலிறுதியில், டிரீசா/காயத்ரி கூட்டணி 16-21, 21-15, 21-13 என்ற கேம்களில், போட்டித்தரவரிசையில் 4-ஆம் இடத்திலிருந்த சீனாவின் ஜியா யி ஃபான்/ஜாங் ஷு ஜியான் இணையை வீழ்த்தி அசத்தியது. இந்த ஆட்டம் 1 மணிநேரம், 10 நிமிஷங்களில் முடிவுக்கு வந்தது.

இந்த வெற்றியின் மூலமாக, டிரீசா/காயத்ரி இணை உலக சாம்பியன்ஷிப் மகளிா் இரட்டையா் பிரிவில் இந்தியாவுக்கு 15 ஆண்டுகளுக்குப் பிறகு பதக்கத்தை உறுதி செய்துள்ளது. கடைசியாக இந்தப் பிரிவில் 2011-இல் ஜுவாலா கட்டா/அஸ்வினி பொன்னப்பா இணை வெண்கலப் பதக்கம் வென்றது குறிப்பிடத்தக்கது.

ஏமாற்றம்: ஆடவா் இரட்டையா் காலிறுதியில், உலகத்தரவரிசையில் 5-ஆம் இடத்திலிருக்கும் இந்தியாவின் சாத்விக்சாய்ராஜ் ராங்கிரெட்டி/சிராக் ஷெட்டி இணை 18-21, 9-21 என்ற நோ் கேம்களில், 3-ஆம் இடத்திலிருக்கும் சீனாவின் லியங் வெய் கெங்/வாங் சாங் கூட்டணியிடம் தோல்வியுற்றது. இந்த ஆட்டத்தை சீன ஜோடி 36 நிமிஷங்களில் முடிவுக்குக் கொண்டு வந்தது.

சாத்விக்/சிராக் இணை உலக சாம்பியன்ஷிப்பில் 2022, 2025 ஆகிய ஆண்டுகளில் வெண்கலப் பதக்கம் வென்றுள்ள நிலையில், 3-ஆவது முறையாக பதக்கம் வெல்லும் முயற்சியில் தோற்றுள்ளது. பாரீஸ் ஒலிம்பிக்கில் வெள்ளி வென்ற இந்த சீன ஜோடியை இத்துடன் 13-ஆவது முறையாக சந்தித்த இந்திய இணை, 9-ஆவது தோல்வியைச் சந்தித்துள்ளது.