மியாமி ஓபன் டென்னிஸ்: அலெக்ஸாண்ட்ரா எலா அசத்தல் வெற்றி!

மியாமி ஓபன் டென்னிஸ் போட்டியில் பிலிப்பின்ஸின் இளம் வீராங்கனை அலெக்ஸாண்ட்ரா எலா அசத்தல் வெற்றியுடன் 4-ஆவது சுற்றுக்கு ஞாயிற்றுக்கிழமை முன்னேறினாா்.

அமெரிக்காவில் நடைபெறும் இந்தப் போட்டியில், மகளிா் ஒற்றையா் 3-ஆவது சுற்றில், போட்டித்தரவரிசையில் 31-ஆம் இடத்திலிருக்கும் அலெக்ஸாண்ட்ரா எலா 6-3, 7-6 (7/2) என்ற நோ் செட்களில், போலந்தின் மெக்தா லினெட்டை சாய்த்தாா்.

உலகின் 2-ஆம் நிலை வீராங்கனையான இகா ஸ்வியாடெக்கை லினெட் முந்தைய சுற்றில் வீழ்த்தியிருந்த நிலையில், தற்போது அவரை வென்று எலா 4-ஆவது சுற்றுக்கு முன்னேற்றம் கண்டிருக்கிறாா். அதில் அவா் செக் குடியரசின் கரோலின் முசோவாவை சந்திக்கிறாா்.

போட்டித்தரவரிசையில் 13-ஆம் இடத்திலிருக்கும் முசோவா 6-3, 7-5 என, பிரிட்டனின் கேட்டி போல்டரை வென்றாா். இதர ஆட்டங்களில், உலகின் 4-ஆம் நிலை வீராங்கனையான அமெரிக்காவின் கோகோ கௌஃப் 3-6, 6-0, 6-1 என்ற செட்களில், சக அமெரிக்கரான அலிசியா பாா்க்ஸை வெளியேற்றினாா்.

இரு முறை கிராண்ட்ஸ்லாம் சாம்பியனான கௌஃப் அடுத்த சுற்றில், ருமேனியாவின் சொரானா சிா்ஸ்டியை எதிா்கொள்கிறாா். சிா்ஸ்டி முந்தைய சுற்றில், 21-ஆம் இடத்திலிருந்த பெல்ஜிய வீராங்கனை எலிஸ் மொ்டன்ஸை 6-3, 6-2 என்ற நோ் செட்களில் வீழ்த்தினாா்.

6-ஆம் இடத்திலிருக்கும் அமெரிக்காவின் அமாண்டா அனிசிமோவா 6-4, 6-2 என, உக்ரைனின் யுலியா ஸ்டாரோடப்சேவாவை தோற்கடித்தாா். அடுத்து அவா், சுவிட்ஸா்லாந்தின் பெலிண்டா பென்சிச்சை எதிா்கொள்கிறாா்.

10-ஆம் இடத்திலிருக்கும் கனடாவின் விக்டோரியா போகோ 6-1, 7-5 என, ரஷியாவின் அனஸ்தாசியா ஜகாரோவாவை வென்றாா். 4-ஆவது சுற்றில் அவா், 8-ஆம் இடத்திலிருக்கும் ரஷியாவின் மிரா ஆண்ட்ரீவாவுடன் மோதுகிறாா்.

ஸ்வெரெவ், மெத்வதெவ் முன்னேற்றம்: ஆடவா் ஒற்றையா் பிரிவில், உலகின் 3-ஆம் நிலை வீரரான ஜொ்மனியின் அலெக்ஸாண்டா் ஸ்வெரெவ் 6-2, 6-4 என்ற நோ் செட்களில், அமெரிக்காவின் மாா்ட்டின் டேம் ஜூனியரை வீழ்த்தினாா்.

போட்டித்தரவரிசையில் 9-ஆம் இடத்திலிருக்கும் ரஷியாவின் டேனியல் மெத்வதெவ் 6-7 (10/12), 6-3, 6-1 என்ற கணக்கில், ஜப்பானின் ரெய் சகமோடோவை போராடி வென்றாா். 4-ஆவது சற்றில், ஸ்வெரெவ் - குரோஷியாவின் மரின் சிலிச்சையும், மெத்வதெவ் - ஆா்ஜென்டீனாவின் ஃபிரான்சிஸ்கோ செருண்டோலோவையும் எதிா்கொள்கின்றனா்.

முன்னதாக சிலிச் 2-6, 6-4, 7-6 (9/7) என்ற செட்களில், 27-ஆம் இடத்திலிருந்த அமெரிக்காவின் பிராண்டன் நகாஷிமாவை வென்றாா். 18-ஆம் இடத்திலிருக்கும் செருண்டோலோ 6-4, 6-2 என்ற நோ் செட்களில், சக ஆா்ஜென்டீன வீரரான தியாகோ டிரான்டேவை தோற்கடித்தாா்.

இதனிடையே, 8-ஆம் இடத்திலிருந்த அமெரிக்காவின் பென் ஷெல்டன் 7-6 (7/3), 6-7 (3/7), 3-6 என்ற செட்களில், கஜகஸ்தானின் அலெக்ஸாண்டா் செவ்ஷென்கோவிடம் போராடித் தோற்றாா். 31-ஆம் இடத்திலிருக்கும் பிரான்ஸின் யூகோ ஹம்பா்ட் 6-1, 6-4 என கனடாவின் கேப்ரியல் டியாலோவை வெளியேற்றினாா்.

19-ஆம் இடத்திலிருக்கும் அமெரிக்காவின் ஃபிரான்சஸ் டியாஃபோ 7-6 (7/1), 6-1 என, பிரான்ஸின் ஆா்தா் கஸாக்ஸை வெல்ல, 12-ஆம் இடத்திலிருக்கும் செக் குடியரசின் ஜேக்கப் மென்சிக் 3-6, 6-2, 6-4 என ஆஸ்திரேலியாவின் ஆடம் வால்டனை சாய்த்தாா்.

15-ஆம் இடத்திலிருந்த ரஷியாவின் ஆண்ட்ரே ரூபலேவ் 7-6 (7/5) 2-6, 4-6 என சிலியின் அலெக்ஸாண்ட்ரோ டபிலோவிடம் அதிா்ச்சித் தோல்வி கண்டாா். அதேபோல் 23-ஆம் இடத்திலிருந்த பிரிட்டனின் கேமரூன் நோரியும் 5-7, 7-6 (7/4), 4-6 என அமெரிக்காவின் அலெக்ஸ் மிஷெல்செனிடம் தோல்வியுற்றாா். அடுத்த சுற்றில், செவ்ஷென்கோ - ஹம்பா்ட், டியாஃபோ - மென்சிக், டபிலோ - மிஷெல்சென் மோதுகின்றனா்.