திமுக-காங்கிரஸ் கூட்டணியில் தமாகா? இளங்கோவன் விளக்கம்

திமுக - காங்கிரஸ் கூட்டணியில் தமாகா இணைவது குறித்து தமிழக காங்கிரஸ் கட்சித் தலைவர் இளங்கோவன் பதிலளித்துள்ளார்.

அதாவது, தமிழக சட்டப்பேரவைக்கு நடைபெறும் தேர்தலில் போட்டியிட திமுக தலைமையில் உருவாகியிருக்கும் கூட்டணியில் தமாகா இணைய வாய்ப்பில்லை என்று இளங்கோவன் தெரிவித்துள்ளார்.

திமுக - காங்கிரஸ் இடையே தொகுதிப் பங்கீட்டில் இழுபறி நீடிப்பது குறித்த கேள்விக்கு, இன்னும் ஓரிரு நாட்களில் தொகுதிப் பங்கீடு முடிவு செய்யப்படும் என்றார் இளங்கோவன்.

காங்கிரஸ் மூத்த தலைவர் குலாம் நபி ஆசாத், திமுக தலைவர் கருணாநிதியுடன் மீண்டும் ஒரு முறை பேச்சுவார்த்தை நடத்த உள்ளார். அதன்பிறகு ஓரிரு நாட்களில் தொகுதிப் பங்கீடு முடிவு செய்யப்படும் என்று இளங்கோவன் கூறினார்.