கருணாநிதி வீடு திரும்பினார்: ஜனவரி 4ம் தேதி திமுக பொதுக்குழுக் கூட்டம்

மருத்துவமனையில் இருந்து கருணாநிதி வீடு திரும்பியதைத் தொடர்ந்து ஜனவரி 4ம் தேதி திமுக பொதுக் குழுக் கூட்டம் நடைபெறும் என்று அக்கட்சியின் பொதுச்செயலாளர் க. அன்பழகன் அறிவித்துள்ளார்.

Updated On :26 டிசம்பர் 2016, 6:55 am

சென்னை: மருத்துவமனையில் இருந்து கருணாநிதி வீடு திரும்பியதைத் தொடர்ந்து ஜனவரி 4ம் தேதி திமுக பொதுக் குழுக் கூட்டம் நடைபெறும் என்று அக்கட்சியின் பொதுச்செயலாளர் க. அன்பழகன் அறிவித்துள்ளார்.

இது குறித்து அவர் வெளியிட்டுள்ள அறிக்கையில், திமுக தலைவர் கருணாநிதி தலைமையில் 20-12-2016 செவ்வாய்க் கிழமை அன்று, சென்னை, அண்ணா அறிவாலயம், கலைஞர் அரங்கில் நடைபெறுவதாக அறிவிக்கப்பட்டு, ஒத்திவைக்கப்பட்ட தி.மு.க. பொதுக்குழுக் கூட்டம் வருகிற 4-1-2017 புதன்கிழமை காலை 9.00 மணி அளவில் நடைபெறும் என்று தெரிவிக்கப்பட்டுள்ளது.

முன்னதாக, உடல்நிலை பாதிக்கப்பட்டு காவேரி மருத்துவமனையில் அனுமதிக்கப்பட்டிருந்த கருணாநிதி, பூரண குணமடைந்ததை அடுத்து கடந்த வெள்ளிக்கிழமை வீடு திரும்பினார்.