அதிமுக தலைமையகத்தில் டி.டி.வி.தினகரன் 'திடீர்' ஆலோசனை!

சென்னை: சென்னையில் உள்ள அதிமுக தலைமையகத்தில் அதிமுக அம்மா கட்சியின் துணைப்பொதுச் செயலாளர் டி.டி.வி.தினகரன் முக்கிய நிர்வாகிகளுடன் 'திடீர்' ஆலோசனை நடத்தி வருகிறார்.

முன்னாள் முதல்வர் ஜெயலலிதாவின் மறைவால் காலியாக உள்ள ஆர்.கே.நகர் தொகுதி இடைத்தேர்தலில் அதிமுக அம்மா கட்சியின் துணைப் பொதுச் செயலர் டி.டி.வி.தினகரன் போட்டியிடுகிறார். வாக்காளர்களுக்கு சரளமாக பணப்பட்டுவாடா செய்யப்படுவதாக எழுந்த புகாரைத் தொடர்ந்து, இந்திய தேர்தல் ஆணையம் நேற்றிரவு ஆர்.கே.நகர் இடைத்தேர்தலை ரத்து செய்வதாக அறிவித்தது.

இந்நிலையில் சென்னை ராயப்பேட்டையில் உள்ள அதிமுக தலைமையகத்தில் அதிமுக அம்மா கட்சியின் துணைப்பொதுச் செயலாளர் டி.டி.வி.தினகரன் கட்சியின் முக்கிய நிர்வாகிகளுடன் 'திடீர்' ஆலோசனை நடத்தி வருகிறார். 

தேர்தல் ரத்து அறிவிப்பைத் தொடர்ந்து எடுக்க வேண்டிய அடுத்த கட்ட நடவடிக்கை குறித்து அவர்கள் ஆலோசிக்கலாம் என்று எதிர்பார்க்கப்படுகிறது.