கேரள தேர்தல் களம்: ஆளும் சிபிஐ 86 இடங்களில் போட்டி! அசாம், கேரளம், புதுச்சேரியில் ஏப்ரல் 9இல் வாக்குப்பதிவுதமிழ்நாட்டுக்கு ஏப்.23ஆம் தேதி தேர்தல் மேற்கு வங்கம்: ஏப்ரல் 23, 29 பேரவைத் தேர்தல் அறிவிப்பு 5 மாநில பேரவைத் தேர்தல்: மே 4ஆம் தேதி வாக்கு எண்ணிக்கை புதுச்சேரிக்கு ஏப்ரல் 9ஆம் தேதி பேரவைத் தேர்தல் வாக்குப்பதிவு முழுவதும் சிசிடிவி கேமராக்கள் மூலம் கண்காணிக்கப்படும்: தேர்தல் ஆணையம் ஒவ்வொரு 2 மணி நேரத்திற்கும் வாக்குப்பதிவு சதவீதம் தெரிவிக்கப்படும் 5 மாநிலங்களில் மொத்தம் 2.19 லட்சம் வாக்குச்சாவடிகள்: தேர்தல் ஆணையம் அதிமுக ஆட்சிமன்றக் குழு திருத்தியமைப்பு! எடப்பாடி பழனிசாமி அறிவிப்பு!
/

இரட்டை வரிவிதிப்பு முறையினைக் கண்டித்து நாளை முதல் தமிழகத்தில் தியேட்டர்கள் 'ஸ்ட்ரைக்': அபிராமி ராமநாதன்

மத்திய மற்றும் மாநில அரசுகளின் இரட்டை வரிவிதிப்பு முறையினைக் கண்டித்து நாளை முதல் தமிழகத்தில் தியேட்டர்கள் இயங்காது என்று தமிழ்நாடு திரைப்பட வர்த்தக சபையின் தலைவர் அபிராமி ராமநாதன் ...

News image
Updated On :2 ஜூலை 2017, 8:46 am

DIN

சென்னை: மத்திய மற்றும் மாநில அரசுகளின் இரட்டை வரிவிதிப்பு முறையினைக் கண்டித்து நாளை முதல் தமிழகத்தில் தியேட்டர்கள் இயங்காது என்று தமிழ்நாடு திரைப்பட வர்த்தக சபையின் தலைவர் அபிராமி ராமநாதன் அறிவித்துள்ளார்.

இது தொடர்பாக மைலாப்பூரில் இன்று தமிழ்நாடு திரைப்பட வர்த்தக சபையின் தலைவர் அபிராமி ராமநாதன் மற்றும் இதர நிர்வாகிகள் செய்தியாளர்களை சந்தித்தனர். அப்பொழுது அபிராமி ராமநாதன் கூறியதாவது:

மத்திய மற்றும் மாநில அரசுகளின் இரட்டை வரிவிதிப்பு முறையினைக் கண்டித்து நாளை முதல் தமிழகத்தில் 1000 தியேட்டர்கள் இயங்காது. இத்தகைய இரட்டை வரிவிதிப்பு முறையினை நீக்க வேண்டும் என்ற எங்களின் கோரிக்கை ஏற்கப்படும் வரை தியேட்டர்கள் இயங்காது. மத்திய மற்றும் மாநில அரசுகள் இணைந்து மொத்தமாக 58% வரியை எங்கள் மீது வரி விதிக்கிறது.

மற்ற மாநிலங்களில் உள்ளது போன்றே இங்கும் சீரான வரிவிதிப்பு முறையானது கடைப்பிடிக்கப்பட வேண்டும் சினிமா தியேட்டர்களுக்கான கட்டணமானது ரூ.50 முதல் ரூ.200க்குள் நிர்ணயிக்கப்பட்டிருக்க வேண்டும். ஆனால் ரூ.100 வரையிலான டிக்கெட் கட்டணத்திற்கு 18% வரியும், ரூ.101-இலிருந்து 28%  வரியும் விதிக்கப்படுகிறது இத்துடன் கேளிக்கை வரி 30% என நாங்களமொத்தம் 58% வரி செலுத்துகிறோம்

எங்களது போராட்டமானது ஜி.எஸ்.டி வரிவிதிப்பு முறையினை எதிர்த்து அன்று. கேளிக்கை வரி விதிப்பு முறையினை எதிர்த்தே எங்களின் போராட்டமானது நடத்தப்படுகிறது. 100 ரூபாய் வருமானம் வந்தால் அதற்கு 58 ரூபாய் வரியாக செலுத்த வேண்டிய நிலை தற்பொழுது உள்ளது.

இவ்வாறு ராமநாதன் தன்னுடைய பேட்டியில் தெரிவித்தார்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.