பேரவைத் தலைவர் தனபால் வெளிநாடு பயணம்

தமிழக சட்டப்பேரவைத் தலைவர் பி.தனபால், 15 நாள்கள் பயணமாக வெள்ளிக்கிழமை (நவ.3) வெளிநாடுகளுக்கு புறப்படுகிறார்.
இதுகுறித்து, தமிழக அரசு வியாழக்கிழமை வெளியிட்ட அறிவிப்பு: 
வங்தேசத் தலைநகர் டாக்காவில் நடைபெறவுள்ள காமன்வெல்த் நாடாளுமன்ற மாநாட்டில், தமிழகக் கிளையின் பிரதிநிதியாக பேரவைத் தலைவர் பி.தனபால் பங்கேற்கிறார். இதைத்தொடர்ந்து, அவர் ஆஸ்திரேலியா, சிங்கப்பூர் ஆகிய நாடுகளுக்கும் பயணம் மேற்கொள்கிறார். வரும் 18 -ஆம் தேதி அவர் சென்னை திரும்புவார் என தமிழக அரசின் அறிவிப்பில் தெரிவிக்கப்பட்டுள்ளது.