ஹார்வர்டு தமிழ் இருக்கை: கமல்ஹாசன் ரூ.20 லட்சம்

ஹார்வர்டு பல்கலைக்கழகத்தில் தமிழ் இருக்கை அமைப்பதற்காக நடிகர் கமல்ஹாசன் ரூ.20 லட்சம் அளித்துள்ளார்.
அமெரிக்காவின், பாஸ்டன் நகரில் அமைந்துள்ள ஹார்வர்டு பல்கலைக்கழகத்தில், தமிழ் இருக்கை அமைப்பதற்கான முயற்சிகளில் உலகத் தமிழர்கள் பலரும் ஈடுபட்டு வருகின்றனர். தமிழகத்தைச் சேர்ந்த திரை பிரபலங்கள் பலரும் தங்களது பங்களிப்பாக இதற்கு நிதி அளித்து வருகின்றனர். அந்த வகையில், நடிகர் கமல்ஹாசன் தமிழ் இருக்கை அமைப்பதற்காக ரூ. 20 லட்சம் நிதி அளித்துள்ளார். இதற்கான காசோலையை சென்னையில் வியாழக்கிழமை நடந்த நிகழ்ச்சியொன்றில் நடிகர் கமல்ஹாசன் வழங்கினார். 
லண்டனைச் சேர்ந்த முனைவர் ஆறுமுகம் முருகையா, அமெரிக்காவைச் சேர்ந்த கால்டுவெல் வேல்நம்பி ஆகியோரிடம் காசோலையை நடிகர் கமல்ஹாசன் வழங்கினார். இந்த நிகழ்ச்சியில் பேராசிரியர் கு. ஞானசம்பந்தன், எழுத்தாளர் சுகா உள்ளிட்ட பலர் கலந்து கொண்டனர்.