18 எம்எல்ஏக்கள் தகுதிநீக்கத்தில் இயற்கை நீதி மீறப்படவில்லை: பேரவைத் தலைவர் தரப்பில் வாதம்

18 எம்எல்ஏக்கள் தகுதிநீக்கத்தில் இயற்கை நீதி மீறப்படவில்லை என்று 18 எம்எல்ஏக்கள் தகுதிநீக்க வழக்கில் சட்டப்பேரவைத் தலைவர் தரப்பில் வாதங்கள் முன்வைக்கப்பட்டுள்ளன.

டிடிவி தினகரன் தரப்பு ஆதரவு எம்.எல்.ஏ.-க்கள் 18 பேர் தகுதி நீக்கம் செய்யப்பட்டதை எதிர்த்து தொடரப்பட்ட வழக்கு நீதிபதி எம்.சத்தியநாராயணன் முன் மீண்டும் இன்று விசாரணைக்கு வந்தது. 

இந்த வழக்கில் தகுதி நீக்கம் செய்யப்பட்ட எம்.எல்.ஏக்கள் சார்பில் ஆஜரான மூத்த வழக்குரைஞர்கள் வாதம் நிறைவடைந்த நிலையில், பேரவைத் தலைவர் தனபால் சார்பில் ஆஜரான மூத்த வழக்குரைஞர் ஆர்யமா சுந்தரம் வாதங்களை முன்வைத்து வருகிறார்.

அதில், 18 எம்எல்ஏக்களை தகுதிநீக்கம் செய்ததில் இயற்கை நீதி மீறப்படவில்லை. போதிய அவகாசம் வழங்கப்பட்டே நடவடிக்கை எடுக்கப்பட்டுள்ளது. ஆட்சியை கலைக்க வேண்டுமென்ற நோக்கில்தான் ஆளுநரை சந்தித்துள்ளனர். 

முதல்வரை மாற்றவேண்டுமென ஆளுநரை சந்தித்தது தவறு என வழக்கறிஞர் சுந்தர் சுட்டிக்காட்டியுள்ளர். சபாநாயகர் தரப்பு வாதம் இன்றுடன் நிறைவடைந்த நிலையில் முதல்வர் தரப்பு வாதம் தொடங்குகிறது.