தேனி, தென்காசி, செங்கோட்டை, கடையநல்லூர் பகுதிகளில் பள்ளிகளுக்கு இன்று விடுமுறை

கனமழை காரணமாக தேனி மாவட்டத்தில் இன்று ஒருநாள் மட்டும் அனைத்து பள்ளிகளுக்கு விடுமுறை அறிவிக்கப்பட்டுள்ளது. 

தென்மேற்கு பருவ மழை மீண்டும் தீவிரமடைந்துள்ள நிலையிம் மேற்கு தொடர்ச்சி மலைப் பகுதியை ஒட்டியுள்ள மாவட்டங்களில் கடந்த ஒரு வார காலமாக பலத்த மழை பெய்து வருகிறது. இடைவிடாது பெய்யும் மழையால் தாழ்வான பகுதிகளில் வெள்ளம் பெருக்கெடுத்துள்ளது. 

கனமழையை தொடர்ந்து தேனி மாவட்டத்தில் இன்று ஒருநாள் மட்டும் அனைத்து பள்ளிகளுக்கு விடுமுறை அறிவிக்கப்பட்டுள்ளது. இதற்கான உத்தரவை அம்மாவட்ட ஆட்சியர் மாவட்ட ஆட்சியர் பல்லவி பல்தேவ் பிறப்பித்துள்ளார். 

இதேபோல் நெல்லை மாவட்டம் தென்காசி, செங்கோட்டை, கடையநல்லூர், சிவகிரி, வி.கே.புதூர் உள்ளிட்ட பகுதிகளில் பள்ளிகளுக்கும் இன்று விடுமுறை அறிவிக்கப்பட்டுள்ளது.