ராகுல் காந்திக்கு பாதுகாப்பு குறைபாடு: மத்திய, மாநில அரசுகள் பதிலளிக்க உத்தரவு

ராகுல் காந்தி பாதுகாப்பு குறைபாடு குறித்து மத்திய, மாநில அரசுகள் 4 வாரத்தில் பதிலளிக்க சென்னை உயர்நீதிமன்றம் உத்தரவிட்டுள்ளது. 

மறைந்த திமுக தலைவர் கருணாநிதிக்கு அஞ்சலி செலுத்த வந்தபோது ராகுல் காந்திக்கு உரிய பாதுகாப்பு வழங்கப்படவில்லை என்று வழக்கறிஞர் சூரிய பிரகாசம் சென்னை உயர்நீதிமன்றத்தில் வழக்கு தொடுத்தார். இவ்வழக்கு நீதிமன்றத்தில் இன்று விசாரணைக்கு வந்தது. 

அப்போது ராகுல் காந்தி பாதுகாப்பு குறைபாடு குறித்து தமிழக தலைமைச் செயலாளர், மத்திய உள்துறை செயலாளர் ஆகியோர் 4 வாரத்தில் பதிலளிக்க உத்தரவிட்ட சென்னை உயர்நீதிமன்றம் வழக்கின் அடுத்த விசாரணையை செப்டம்பர் 14ஆம் தேதிக்கு ஒத்திவைத்தது.