காவியை கமல் கொச்சைப்படுத்த வேண்டாம்: பொன்.ராதாகிருஷ்ணன்

காவியை கொச்சைப்படுத்த வேண்டாம் என்று மத்திய இணை அமைச்சர் பொன்.ராதாகிருஷ்ணன் தெரிவித்துள்ளார்.

இதுகுறித்து அவர் நாகர்கோவிலில் செய்தியாளர்களுக்கு அளித்த பேட்டியில்,
காவிக்கு வரமாட்டேன் என கமல் கூறுவது சுயநலம். காவியை கொச்சடைப்படுத்த வேண்டாம். ஜெயலலிதா படத்திறப்பில் கருத்து வேறுபாடுகள் இருந்தாலும் அவரை முதல்வராகவே பார்க்க வேண்டும். 

ஜெயலலிதா படத்திறப்பில் அரசியல் செய்கிறது திமுக. அடிக்கடி சமாதிக்கு செல்வதை அமைச்சர்கள் நிறுத்திக்கொண்டால் ஜெயலலிதாவின் மாண்பு காக்கப்படும். இவ்வாறு அவர் தெரிவித்தார். 

நடிகர் ரஜினிகாந்த் காவி அரசியலை முன்னெடுத்தால், அவருடன் கூட்டணி அமைக்க மாட்டேன்'' என்று நடிகர் கமல்ஹாசன் கூறினார். கேம்பிரிட்ஜ் நகரில் உள்ள ஹார்வார்டு பல்கலைக்கழகத்தில் சனிக்கிழமை நடைபெற்ற வருடாந்திர இந்தியர்கள் மாநாட்டில் உரையாற்றிய அவர், இதைத் தெரிவித்திருந்தார்.