ஹைதராபாத் - திருவனந்தபுரம் ரயிலில் கூடுதல் பெட்டி இணைப்பு

ஹைதராபாத் - திருவனந்தபுரம் இடையே இயக்கப்படும் விரைவு ரயிலில் கூடுதலாக ஒரு இரண்டாம் வகுப்பு தூங்கும் வசதி கொண்ட பெட்டி தற்காலிகமாக இணைக்கப்பட உள்ளது.
ஹைதராபாத் - திருவனந்தபுரம் இடையே காட்பாடி வழியாக விரைவு ரயில் இயக்கப்படுகிறது. இந்த ரயிலில் ஒரு இரண்டாம் வகுப்பு தூங்கும் வசதி கொண்ட பெட்டி கூடுதலாக இணைக்கப்படவுள்ளது. ஹைதராபாதில் இருந்து திருவனந்தபுரத்துக்கு இயக்கப்படும் விரைவு ரயிலில் ஜூலை 3 -ஆம் தேதி முதல் ஆகஸ்ட் 2 -ஆம் தேதி வரையிலும், திருவனந்தபுரத்தில் இருந்து ஹைதராபாத்துக்கு இயக்கப்படும் விரைவு ரயிலில் ஜூலை 5 -ஆம் தேதி முதல் ஆகஸ்ட் 4 -ஆம் தேதி வரையிலும் இப்பெட்டி தற்காலிகமாக இணைக்கப்படவுள்ளது என தெற்கு ரயில்வே செய்திக்குறிப்பில் தெரிவிக்கப்பட்டுள்ளது.