முன்னாள் அமைச்சர் ஆர்.எம்.வீரப்பன் பிறந்தநாள்: ஸ்டாலின் நேரில்  வாழ்த்து 

சென்னை: முன்னாள் அமைச்சர் ஆர்.எம்.வீரப்பனின் 94-ஆவது பிறந்தநாளை முன்னிட்டு, திமுக தலைவர் : ஸ்டாலின் நேரில் சென்று வாழ்த்து தெரிவித்தார்.

எம்.ஜி.ஆர் ஆட்சிக்காலத்தில் அறநிலையத்துறை அமைச்சராக இருந்தவர் ஆர்.எம்.வீரப்பன். எம்.ஜி.ஆருக்கு நெருங்கிய நண்பராகவும் விளங்கினார். எம்.ஜி.ஆரின் மறைவிற்குப் பிறகு சிறிதுகாலம் அதிமுகவில் நீடித்தவர் பின்னர் எம்.ஜி.ஆர். கழகம் என்ற கட்சியைத்  துவங்கி நடத்தி வந்தார்.

இந்நிலையில் இன்று (09-09-2019) திராவிட முன்னேற்றக் கழகத்தின் தலைவரும், சட்டமன்ற எதிர்க்கட்சித் தலைவருமான மு.க.ஸ்டாலின், முன்னாள் அமைச்சரும், எம்.ஜி.ஆர். கழகத் தலைவருமான ஆர்.எம்.வீரப்பன் அவர்களின் 94வது பிறந்தநாளையொட்டி அவருடைய இல்லத்துக்கு நேரில் சென்று தனது பிறந்தநாள் வாழ்த்துகளைத் தெரிவித்தார்.