கிருஷ்ணகிரி மாவட்டம் ஊத்தங்கரை அடுத்த புதூர் புங்கனை, பா.நடுப்பட்டி, கிராமத்தில் முதலமைச்சரின் அம்மா மினி கிளினிக் துவக்க விழா வெள்ளிக்கிழமை நடைபெற்றது.
நிகழ்ச்சிக்கு மாவட்ட சுகாதார பணி இணை இயக்குனர் டாக்டர் கோவிந்தன் வரவேற்பு உரை ஆற்றினார். அதிமுக மாவட்டச் செயலாளர் அசோக்குமார், ஊத்தங்கரை சட்டப் பேரவை உறுப்பினர் மனோரஞ்சிதம் நாகராஜ், ஒன்றிய கழக செயலாளர்கள் தெற்க்கு ஏ.சி. தேவேந்திரன், வடக்கு வேடி, புதூர் புங்கனை உளராட்சி மன்ற தலைவர் ஜெயராமன், நடுப்பட்டி ஊராட்சி மன்ற தலைவர் குப்புசாமி , வட்டார மருத்துவ அலுவலர் குமார் ஆகியோர் முன்னிலை வகித்தனர்.
விழாவில் சிறப்பு அழைப்பாளராகக் கலந்து கொண்ட அதிமுக துணை ஒருங்கிணைப்பாளரும், மாநிலங்களவை உறுப்பினர் கேபி.முனுசாமி சிறப்பு அழைப்பாளராகக் கலந்துகொண்டு அம்மா மினி கிளினிக்கை ரிப்பன் வெட்டி குத்துவிளக்கேற்றித் துவக்கி வைத்தார்.
தொடர்ந்து கர்ப்பிணிப் பெண்களுக்கு அம்மா ஊட்டச்சத்து பெட்டகத்தை வழங்கினார். நிகழ்ச்சியில் நகர செயலாளர் பிகே சிவானந்தம் மாவட்ட மருத்துவ அணி செயலாளர் மருத்துவர் இளையராஜா, மருத்துவர்கள் வெங்காடசலம், ஒன்றிய விவசாய அணி செயலாளர் வேங்கன் , தொகுதி செயலாளர் திருஞானம் மற்றும் ஒன்றிய நகர நிர்வாகிகள் பலர் கலந்து கொண்டனர்.