அதிமுக உயர்நிலைக் குழு ஆலோசனைக் கூட்டம் தொடக்கம்

தமிழகத்தில் தேர்தல் களம் சூடு பிடிக்கத் தொடங்கியுள்ள நிலையில், அதிமுகவின் உயர்நிலைக் குழு ஆலோசனைக் கூட்டம் சென்னையில் நடைபெற்று வருகிறது. 

சென்னை ராயப்பேட்டையில் உள்ள தலைமை அலுவலகத்தில் கட்சியின் ஒருங்கணைப்பாளரும், துணை முதல்வருமான ஓ.பன்னீர்செல்வம் மற்றும் இணை ஒருங்கிணைப்பாளரும், முதல்வருமான எடப்பாடி பழனிசாமி தலைமையில் இந்த ஆலோசனைக் கூட்டம் நடக்கிறது. 

கூட்டத்தில் கட்சியின் மூத்த நிர்வாகிகள், அமைச்சர்கள் பங்கேற்றுள்ளனர். ஆலோசனை கூட்டத்திற்கு பின் அதிமுக பொதுக்குழு கூட்டம் நடக்கும் தேதி பற்றிய அறிவிப்பு வெளியாக வாய்ப்பு உள்ளதாக கூறப்படுகிறது. 
முன்னதாக நவம்பர் 20ஆம் தேதியும், டிசம்பர் 14ஆம் தேதியும் அதிமுக நிர்வாகிகளின் ஆலோசனைக் கூட்டம் நடைபெற்றது குறிப்பிடத்தக்கது.