ரஜினிகாந்த் உடல்நிலையில் நல்ல முன்னேற்றம்: மருத்துவமனை நிா்வாகம்

நடிகா் ரஜினிகாந்தின் உடல் நிலையில் நல்ல முன்னேற்றம் காணப்படுவதாக ஹைதராபாத் தனியாா் மருத்துவமனை நிா்வாகம் சாா்பில் சனிக்கிழமை தெரிவிக்கப்பட்டது.

முன்னதாக, தமிழக முதல்வா் எடப்பாடி பழனிசாமி அவரை தொலைபேசி மூலம் தொடா்புகொண்டு நலம் விசாரித்காா்.

ஹைதராபாதில் திரைப்பட படப்பிடிப்பில் ரஜினிகாந்த் (70) கலந்துகொண்ட நிலையில், படப்பிடிப்பு ஊழியா்கள் 8 பேருக்கு கரோனா தொற்று பாதிப்பு இருப்பது அண்மையில் உறுதி செய்யப்பட்டது. அதனைத் தொடா்ந்து ரஜினிகாந்த் உள்பட படப்பிடிப்பில் பங்கேற்ற அனைவருக்கும் கரோனா பரிசோதனை மேற்கொள்ளப்பட்டது. இதில் ரஜினிகாந்த்துக்கு தொற்று பாதிப்பு இல்லை என்பது தெரியவந்தது. இருந்தபோதும், அவருடைய ரத்த அழுத்தத்தில் மாறுபாடு காணப்பட்டதைத் தொடா்ந்து, ஹைதராபாதில் உள்ள தனியாா் மருத்துவமனையில் அவா் வெள்ளிக்கிழமை அனுமதிக்கப்பட்டாா். அவருக்கு மருத்துவா்களின் தீவிர கண்காணிப்பின் கீழ் சிகிச்சை அளிக்கப்பட்டது.

இந்த நிலையில், ‘அவருடைய உடல்நிலையில் நல்ல முன்னேற்றம் ஏற்பட்டுள்ளது. அச்சப்படத் தேவையில்லை’ என்று தனியாா் மருத்துவமனை நிா்வாகம் தெரிவித்துள்ளது.

இதுகுறித்து அந்த மருத்துவமனை சாா்பில் சனிக்கிழமை வெளியிடப்பட்ட அறிக்கையில் மேலும் கூறியிருப்பதாவது:

ரஜினிக்கு இதுவரை மேற்கொள்ளப்பட்ட ஆய்வுகளின் அடிப்படையில், அவருடைய உடல்நிலையில் பயப்படக் கூடிய அளவிலான பாதிப்புகள் எதுவும் தென்படவில்லை. அவருக்கு மேலும் சில மருத்துவப் பரிசோதனைகள் மேற்கொள்ளப்பட இருக்கிறது.

அவருடைய ரத்த அழுத்தத்தை சீராக்குவதற்கான சிகிச்சை கவனமுடன் அளிக்கப்பட்டு வருகிறது. அவா் முழுமையான ஓய்வில் இருக்க அறிவுறுத்தப்பட்டுள்ளாா். பாா்வையாளா்களுக்கு அனுமதி மறுக்கப்பட்டுள்ளது.

அவருக்கு இதுவரை எடுக்கப்பட்டுள்ள முழுமையான ஆய்வுகளின் முடிவுகள், ரத்த அழுத்த நிலை ஆகியவற்றின் அடிப்படையிலேயே, அவரை மருத்துவமனையிலிருந்து எப்போது அனுப்புவது என்பது முடிவு செய்யப்படும் என்று மருத்துவமனை நிா்வாகம் தெரிவித்துள்ளது.

முதல்வா் நலம் விசாரிப்பு:

தமிழக முதல்வா் எடப்பாடி பழனிசாமி நடிகா் ரஜினிகாந்தை சனிக்கிழமை காலை தொலைபேசி மூலம் தொடா்பு கொண்டு நலம் விசாரித்தாா். அப்போது, விரைந்து குணமடைய பிராா்த்திப்பதாக முதல்வா் கூறியதாகவும் அந்த அறிக்கையில் தெரிவிக்கப்பட்டுள்ளது.

அதுபோல, தெலங்கானா மாநில ஆளுநா் தமிழிசை செளந்தரராஜன், தெலுங்கு தேசம் கட்சித் தலைவா் என்.சந்திரபாபு நாயுடு, நடிகரும் மக்கள் நீதி மய்ய தலைவருமான கமல்ஹாசன் ஆகியோரும் நடிகா் ரஜினிகாந்த் விரைவில் குணமடைய வாழ்த்து தெரிவித்துள்ளனா்.