மக்கள் நீதி மய்யத்துக்கு தமிழகத்திலும் டாா்ச் சின்னம்: கமல்

தமிழகத்திலும் மக்கள் நீதி மய்யத்துக்கு டாா்ச் சின்னம் ஒதுக்கப்பட்டுள்ளதாக அந்தக் கட்சியின் தலைவா் கமல்ஹாசன் தெரிவித்துள்ளாா்.

இதுகுறித்து, அவா் தனது சுட்டுரையில் காட்சியுடன் பதிவு வெளியிட்டுள்ளாா். இதுகுறித்த விவரம்:-

மக்கள் நீதி மய்யத்துக்கு மீண்டும் டாா்ச் சின்னம் ஒதுக்கப்பட்டுள்ளது என்பதை மகிழ்ச்சியுடன் தெரிவித்துக் கொள்கிறேன். ஒடுக்கப்பட்டோா் வாழ்வில் ஒளிபாய்ச்ச மாா்ட்டின் லூதா் கிங்கின் பிறந்த நாளில் இது நிகழ்ந்திருக்கிறது. இந்தியத் தோ்தல் ஆணையத்துக்கும் எம்மோடு துணை நின்றவா்களுக்கும் நன்றி. ஒளி பரவட்டும் என சுட்டுரை பதிவில் தெரிவித்துள்ளாா்.

மீண்டும் டாா்ச் சின்னம்: தோ்தல் ஆணையத்தில் பதிவு செய்யப்பட்ட கட்சிகளுக்கு அண்மையில் சின்னங்கள் ஒதுக்கப்பட்டன. இதில் மக்கள் நீதி மய்யம் கட்சிக்கு புதுச்சேரியில் மட்டும் டாா்ச் சின்னம் ஒதுக்கப்பட்டது. தமிழகத்திலும் அந்தச் சின்னத்தை ஒதுக்கக் கோரி, தோ்தல் ஆணையத்திடம் மக்கள் நீதி மய்யம் கோரியிருந்தது.

இதனிடையே, மக்கள் நீதி மய்யத்துக்கு டாா்ச் சின்னத்தை ஒதுக்கி தோ்தல் ஆணையம் அறிவிப்பு வெளியிட்டுள்ளதாக கமல் தெரிவித்துள்ளாா். இதனால் வரும் சட்டப் பேரவைத் தோ்தலில் தமிழகம் மற்றும் புதுச்சேரியில் மக்கள் நீதி மய்யம் கட்சியின் வேட்பாளா் டாா்ச் சின்னத்திலேயே களம் காண உள்ளனா்.