உள்ளாட்சிகளுக்கான விருது அறிவிப்பு; முதலிடத்தில் தஞ்சாவூர்: முழுப் பட்டியல்

தமிழகத்தின் சிறந்த உள்ளாட்சிகளுக்கான விருது அறிவிக்கப்பட்டுள்ளது. சிறந்த மாநகராட்சியாக தஞ்சாவூர் தேர்வாகியுள்ளது.

ஆண்டுதோறும் சுதந்திர தினத்தன்று சிறந்த உள்ளாட்சி அமைப்புகளுக்கான விருதை முதலமைச்சரால் வழங்கப்படும்.

இந்நிலையில், இந்தாண்டிற்கான சிறந்த மாநகராட்சியாக தஞ்சாவூர் தேர்வு செய்யப்பட்டுள்ளது. சுதந்திர தின விழாவின் போது, விருதும் ரூ. 25 லட்சம் பரிசுத் தொகையும் முதல்வர் மு.க.ஸ்டாலின் வழங்கவுள்ளார்.

மேலும், சிறந்த நகராட்சியாக முதல் பரிசுக்கு உதகை, இரண்டாம் பரிசுக்கு திருச்சங்கோடு மற்றும் மூன்றாம் பரிசுக்கு சின்னமானுர் தேர்வாகியுள்ளன.

சிறந்த பேரூராட்சியாக முதல் பரிசுக்கு திருச்சியின் கல்லக்குடி, இரண்டாம் பரிசுக்கு கடலூரின் மேல்பாட்டம்பாக்கம், மூன்றாம் பரிசுக்கு சிவகங்கையின் கோட்டையூர் தேர்வாகியுள்ளன.