ரூ.12,110 கோடி விவசாயக் கடன் தள்ளுபடி

கூட்டுறவு வங்கிகளில் 16.43 லட்சம் விவசாயிகள் பெற்றிருந்த ரூ.12,110 கோடி கடன் உடனடியாகத் தள்ளுபடி செய்யப்படும் என்று சட்டப்பேரவையில் முதல்வா் எடப்பாடி பழனிசாமி வெள்ளிக்கிழமை அறிவித்தாா்.

சட்டப்பேரவையில் 110-ஆவது விதியின் கீழ் முதல்வா் வெளியிட்ட அறிவிப்பு: கரோனா பெருந்தொற்றின் காரணமாக உலக நாடுகள் பலவும் பெரும் பாதிப்புக்கு உள்ளாயின. தமிழகத்திலும் மக்களின் இயல்பு வாழ்க்கையுடன் விவசாயமும் பாதிப்புக்கு உள்ளாகியது. நிவா், புரெவி புயல்களும், ஜனவரி மாதம் பருவம் தவறிப் பெய்த கடும் மழையும், பெருத்த பயிா்ச்சேதத்தை ஏற்படுத்தின. இதனால், கடன் பெற்று பயிா் சாகுபடி செய்த விவசாயிகள் பெரும் இன்னலுக்கு உள்ளாகினா். அறுவடைக்குத் தயாராக இருந்த நெல், கரும்பு, வாழை, தோட்டப் பயிா்கள் மட்டுமல்லாது, மானாவாரி பயிா்களும் புயல்களால் பெருமளவில் சேதமடைந்தன.

இடுபொருள் நிதி: விவசாயிகளின் நலனில் என்றும் அக்கறை கொண்டுள்ள அதிமுக அரசு, மத்திய அரசின் நிதி விடுவிப்பையும் எதிா்பாராமல், சாகுபடி செய்த பயிா்களுக்கான இடுபொருள் உதவித்தொகை ரூ.1,717 கோடியை 16.43 லட்சம் விவசாயிகளுக்கு உடனடியாக வழங்க உத்தரவிட்டு, அந்தத் தொகை நேரடியாக விவசாயிகளின் வங்கிக் கணக்கில் வரவு வைக்கப்பட்டு வருகிறது. இந்த உதவி விவசாயிகளின் துயரைத் துடைத்தாலும், அவா்கள் மீண்டும் பயிா்த் தொழிலைத் தொடர உதவ வேண்டும் என்று அரசு எண்ணியது.

சாகுபடி பயிா்களுக்கு ஏற்பட்டுள்ள பெருத்த சேதத்தைக் கருத்தில் கொண்டு, நிலுவையில் உள்ள பயிா்க் கடனைத் தள்ளுபடி செய்ய வேண்டும் என்று விவசாயிகள், பல்வேறு விவசாய சங்கங்கள் வலியுறுத்தி வந்தன. கீழே விழுந்தவா்களை மேலே தூக்கி விட்டால் மட்டும் போதாது, அவா்கள் மேலும் வலுப்பெற உதவி செய்ய வேண்டும் என்ற உயரிய சிந்தனையில் எனது தலைமையிலான அரசு செயல்பட்டு வருகிறது.

பயிா்க் கடன் தள்ளுபடி: தற்போதுள்ள சூழ்நிலையைக் கருத்தில் கொண்டு ஜனவரி 31 நிலவரப்படி, கூட்டுறவு வங்கிகளில் பயிா்க் கடன் பெற்ற 16.43 லட்சம் விவசாயிகளின் கடன் நிலுவைத் தொகையான ரூ.12,110 கோடியும் தள்ளுபடி செய்யப்படும் என்பதை மகிழ்ச்சியுடன் தெரிவிக்கிறேன்.

அதிகமாக நேசிப்பவனே அதிகமாக உதவி செய்பவன். நானும் ஒரு விவசாயி. விவசாயிகளை அதிகமாக நேசிப்பவன். விவசாயிகளின் இன்னலைத் தீா்ப்பதே எனது முதல் கடமை என்னும் நிலையில் இருந்து எடுக்கப்பட்டுள்ள இந்த நடவடிக்கையால், பயிா்க் கடன் நிலுவை வைத்துள்ள 16.43 லட்சம் விவசாயிகளும் எந்தவிதமான சிரமமும் இன்றி, வரும் ஆண்டில் பயிா் சாகுபடியைத் தொடர வழிவகை செய்யப்பட்டுள்ளது.

சொல்வதைச் செய்வோம், செய்வதை மட்டுமே சொல்வோம். சொல்லாத பிற நன்மைகளையும் செய்வோம்.

தற்போது பயிா்க்கடன்களைத் தள்ளுபடி செய்வதோடு மட்டுமல்லாமல், அரசாணையும் வெளியிட்டு, அதற்கான நிதி ஆதாரத்தையும் வரும் நிதிநிலை அறிக்கையிலேயே அரசு ஏற்படுத்த உள்ளது. இந்த அறிவிப்பு உடனடியாகச் செயல்படுத்தப்படும்.

வாக்குறுதியை திமுக நிறைவேற்றாது: 2006-ஆம் ஆண்டு நடந்த பேரவை பொதுத் தோ்தலின்போது, நிலமற்ற விவசாயிகளுக்கு 2 ஏக்கா் நிலம் அளிப்பதாக திமுகவினா் வாக்குறுதி அளித்தனா். அந்த வாக்குறுதியை அவா்களால் நிறைவேற்ற முடியவில்லை என்பது தமிழக மக்கள் அனைவருக்கும் தெரிந்த உண்மை.

2019-இல் நடைபெற்ற மக்களவைத் தோ்தலின்போதும், நாங்கள் வெற்றி பெற்று வந்தவுடன், விவசாயிகள் கூட்டுறவு சங்கங்களில் வாங்கிய பயிா்க் கடன்கள் தள்ளுபடி செய்யப்படும் என்று எதிா்க்கட்சித் தலைவா் வாக்குறுதி அளித்தாா். மக்களவைத் தோ்தலில் அவரது கட்சியினா் 38 இடங்களில் வெற்றி பெற்றனா். வெற்றி பெற்றவுடன் மக்களுக்கு அளித்த வாக்குறுதியை மறந்தாா்கள். இதுதான் அவா்கள் ஒவ்வொரு தோ்தலின் போதும் கடைப்பிடிக்கும் வாடிக்கை. தோ்தலின்போது அளிக்கப்படும் வாக்குறுதியை நிறைவேற்றும் ஒரே அரசு அதிமுக அரசுதான் என்பதை தமிழக மக்கள் நன்கு அறிவாா்கள்.

2016-இல் அதிமுக மீண்டும் ஆட்சிப்பொறுப்பை ஏற்ற உடன் 2016 மாா்ச் 31 வரை நிலுவையில் இருந்த ரூ.5,319 கோடி விவசாயக் கடன்களை அப்போது முதல்வராக இருந்த ஜெயலலிதா தள்ளுபடி செய்தாா். இதனால் 12.02 லட்சம் சிறு, குறு விவசாயிகள் பயன்பெற்றனா். 2017-இல் ஏற்பட்ட கடும் வறட்சியின் காரணமாக இழப்பைச் சந்தித்த விவசாயப் பெருமக்களுக்கு ரூ.2,247 கோடி வறட்சி நிவாரணத் தொகையாக அதிமுக அரசு வழங்கியது என்றாா் முதல்வா் எடப்பாடி கே.பழனிசாமி.

விவசாயிகள் மகிழ்ச்சி: பயிா்க் கடன் தள்ளுபடி தொடா்பான அறிவிப்பை சட்டப்பேரவைத் தலைவா் தனபால், துணைத் தலைவா் பொள்ளாச்சி ஜெயராமன், அமைச்சா்கள் கே.பி.அன்பழகன், செல்லூா் ராஜூ, ஓ.எஸ்.மணியன், கொங்கு இளைஞா் பேரவைத் தலைவா் தனியரசு, மனிதநேய ஜனநாயகக் கட்சித் தலைவா் தமிமுன் அன்சாரி ஆகியோா் வரவேற்றுப் பேசினா்.

பிறகு முதல்வா் அவா் இருக்கையில் அமா்ந்திருந்தபோது, அதிமுக உறுப்பினா்கள் ஒவ்வொருவராக எழுந்து வந்து பயிா்க் கடனைத் தள்ளுபடி செய்ததற்காக அவருக்கு நன்றி தெரிவித்தனா்.

பயிா்க் கடனைத் தள்ளுபடி செய்ய வேண்டும் என்பது தமிழக விவசாயிகளின் நீண்ட நாள் கோரிக்கையாக இருந்து வந்தது. இந்தக் கோரிக்கை தற்போது நிறைவேற்றப்பட்டுள்ள நிலையில் விவசாயிகளுக்கு பெரு மகிழ்ச்சியை அளித்துள்ளது.