ஈரோடு: ஈரோடு மேற்கு சட்டப்பேரவைத் தொகுதி திமுக வேட்பாளா் சு. முத்துசாமி வியாழக்கிழமை வேட்புமனு தாக்கல் செய்தாா்.
திமுக சார்பில் ஈரோடு மேற்கு தொகுதியில் முன்னாள் அமைச்சரும், தெற்கு மாவட்ட செயலாளருமான சு. முத்துசாமி போட்டியிடுகிறார். இதற்காக கடந்த சில நாள்களாக அவர் மேற்கு தொகுதிக்குள்பட்ட பகுதிகளில் தீவிர வாக்கு சேகரிப்பில் ஈடுபட்டு வருகிறார்.
ஒவ்வொரு வீடு வீடாகச் சென்று திமுக சாதனைகளை எடுத்துக்கூறி உதயசூரியன் சின்னத்தில் வாக்கு சேகரித்து வருகிறார். வியாழக்கிழமை ஈரோடு ஆர்டிஓ அலுவலகத்தில் தேர்தல் நடத்தும் அலுவலர் சைபுதீனிடம் மேற்கு தொகுதியில் போட்டியிடுவதற்காக வேட்புமனுத் தாக்கல் செய்தார்.