நாமக்கல் தொகுதி திமுக வேட்பாளர் வேட்பு மனு தாக்கல்

நாமக்கல் தொகுதியில் திமுக சார்பில் போட்டியிடும் வேட்பாளர் பெ. ராமலிங்கம் வெள்ளிக்கிழமை தனது வேட்புமனுவை தாக்கல் செய்தார்.

நாமக்கல்-சேலம் சாலையில் தேர்தல் அலுவலகம் திறக்கப்பட்டு வேட்பாளர் அறிமுக நிகழ்ச்சி நடைபெற்றது. இதில் திமுக வேட்பாளரை ஆதரித்து அதன் கூட்டணிக் கட்சி நிர்வாகிகள் வாழ்த்திப் பேசினர். தொடர்ந்து அங்கிருந்து ஊர்வலமாக பேருந்து நிலையம் வழியாக நாமக்கல் கோட்டாட்சியர் அலுவலகம் வந்த வேட்பாளர் ராமலிங்கம் மற்றும் மாவட்ட பொறுப்பாளர் கே.ஆர். என். ராஜேஷ்குமார், நகரப் பொறுப்பாளர் ராணா ஆர்.ஆனந்த் ஆகியோர் தொகுதி தேர்தல் நடத்தும் அலுவலர் மு. கோட்டைக் குமாரிடம் வேட்புமனுவை வழங்கினர்.

இதனைத் தொடர்ந்து திமுக வேட்பாளர் தொகுதிக்கு உட்பட்ட பகுதிகளில் தீவிர பிரச்சாரத்தை மேற்கொண்டார்.