காவல்துறை தடுத்தால் நடமாடும் காய்கறி வாகன வியாபாரிகள் புகார் தரலாம்: சென்னை மாநகராட்சி

நடமாடும் காய்கறி, பழ வியாபார வாகனங்களை காவல்துறை தடுத்து நிறுத்தினால் வியாபாரிகள் சென்னை மாநகராட்சி கட்டுப்பாட்டு அறைக்கு புகார் தரலாம் எனத் தெரிவிக்கப்பட்டுள்ளது. 

தமிழகம் முழுவதும் தளர்வுகளற்ற முழு ஊரடங்கு அமல்படுத்தப்பட்டுள்ளதை அடுத்து, நடமாடும் வாகனங்களில் அந்தந்த தெருக்களுக்கேச் சென்று காய்கறி, பழங்கள் விற்பனை செய்யப்படுகின்றன. 

இந்நிலையில் சென்னையில் காய்கறி, பழங்களை விற்பனை செய்யும் நடமாடும் வாகனங்களை காவல்துறை தடுத்து நிறுத்தினால் வியாபாரிகள் சென்னை மாநகராட்சி கட்டுப்பாட்டு அறைக்கு புகார் தரலாம் எனத் தெரிவிக்கப்பட்டுள்ளது. 

அதன்படி, பெருநகர சென்னை மாநகராட்சி கட்டுப்பாட்டு அறைக்கு 044-45680200 என்ற தொலைபேசி மற்றும் 9499932899 என்ற கைப்பேசி எண் மூலம் தகவல் தெரிவிக்கலாம் என சென்னை மாநகராட்சி கூறியுள்ளது.