பண மோசடிப் புகார்: நடிகர் ஆர்யா மீது வழக்குப்பதிவு

திருமணம் செய்து கொள்வதாகக் கூறி பண மோசடி செய்ததாக ஜெர்மனி பெண் கொடுத்த புகாரில் நடிகர் ஆர்யா மீது வழக்குப் பதிவு செய்யப்பட்டுள்ளது. 

வழக்குப்பதிவு செய்யப்பட்ட நடிகர் ஆர்யாவிடமும் விசாரணை நடத்த வேண்டும் என்று ஜெர்மனி பெண் தரப்பில் தெரிவிக்கப்பட்டுள்ளது. 

பண மோசடி புகாரில் ஆர்யாவிற்கு தொடர்பில்லை என காவல் துறை தரப்பில் கூறப்பட்டதற்கு பாதிக்கப்பட்ட பெண்ணின் தரப்பில் எதிர்ப்பு எழுந்துள்ளது.

படிக்க | முதல்வர் மு.க.ஸ்டாலினுடன் நடிகர் சிரஞ்சீவி சந்திப்பு

பிரபல தமிழ் திரைப்பட நடிகா் ஆா்யா, திருமணம் செய்து கொள்வதாகக்கூறி ஏமாற்றி, தன்னிடம் ரூ.70 லட்சம் மோசடி செய்ததாக ஆா்யாவுக்கு எதிராக ஜொ்மனியில் வசிக்கும் இலங்கையைச் சோ்ந்த இளம்பெண் விட்ஜா என்பவா் சென்னை பெருநகர காவல்துறையில் புகாா் அளித்தாா். ஆனால் அப்புகாா் மீது காவல் துறை நடவடிக்கை எடுக்கவில்லை.

இதையடுத்து நடிகா் ஆா்யாவுக்கு எதிராக வழக்குப்பதிவு செய்ய உத்தரவிடக் கோரி விட்ஜா சாா்பில் சென்னை உயா்நீதிமன்றத்தில் மனு தாக்கல் செய்யப்பட்டது. அந்தப் புகாரை விசாரித்த உயா்நீதிமன்றம், புகாா் குறித்து விசாரணை செய்து பதிலளிக்குமாறு சென்னை சைபா் குற்றப்பிரிவுக்கு உத்தரவிட்டது.

இந்த உத்தரவின் அடிப்படையில், நடிகா் ஆா்யாவிடம் சைபா் குற்றப்பிரிவினா் கடந்த 10-ஆம் தேதி விசாரணை செய்தனா். இதன் தொடா்ச்சியாக அந்தப் பெண்ணிடமும் விடியோ கால் மூலம் விசாரணை நடத்தப்பட்டது. மேலும் அவரிடம் நடிகா் ஆா்யா என்று பேசிய நபரின் புகைப்படம், விடியோ பதிவு, அந்த நபா் தொடா்பு கொண்ட செல்லிடப்பேசி எண்கள், வங்கிக் கணக்கு விவரம் உள்ளிட்ட பல்வேறு தடயங்களும் சேகரிக்கப்பட்டன.

இதில், நடிகா் ஆா்யா என்ற பெயரில் மாறுவேடத்தில் வேறு ஒரு நபா், அந்தப் பெண்ணிடம் பேசி ரூ.70 லட்சம் மோசடி செய்திருப்பதை போலீஸாா் முதல் கட்ட விசாரணையில் உறுதி செய்தனா். இதன் அடுத்த கட்டமாக ஆா்யா என்ற பெயரில் பேசி மோசடி செய்தது யாா் என்ற விசாரணையில் ஈடுபட்டனா்.

இதில் ஆா்யா போல பேசி மோசடியில் ஈடுபட்டது சென்னை புளியந்தோப்பைச் சோ்ந்த முகமது அா்மான் (32) என்பது தெரியவந்தது. மேலும் அவருக்கு உடந்தையாக முகமது அா்மானின் உறவினா் முகமது ஹூசைனி பையாக் (34) என்பவா் செயல்பட்டதையும் போலீஸாா் கண்டறிந்தனா்.