முதல்வர் மு.க.ஸ்டாலினுடன் பிரான்ஸ் நாட்டுத் தூதுவர் சந்திப்பு

சென்னை தலைமைச் செயலகத்தில் தமிழக முதல்வர் மு.க.ஸ்டாலினை பிரான்ஸ் நாட்டு தூதுவர் இம்மானுவேல் லெனைன் சந்தித்துப் பேசினார்.  

அப்போது, புதுச்சேரிக்கான பிரான்ஸ் நாட்டு துணைத் தூதர் லிஸ் டால்போட் பர்ரே பிரான்ஸ் தூதரகத்தின் துணைத் தூதர் புரோனோ குயன் உள்ளிட்டோர் உடனிருந்தனர். 

பின்னர், சென்னை மாநகராட்சி மேயர் பிரியாவுடன் பிரான்ஸ் நாட்டு தூதுவர் இம்மானுவேல் லெனைன் சந்திப்பு மேற்கொண்டார். அப்போது, சென்னை மாநகராட்சி வளர்ச்சி பணிகளுக்கு பிரான்ஸ் தொடர்ந்து ஆதரவளிக்கும் என அவர் உறுதி அளித்துள்ளார். 

சென்னை மாநகராட்சி பள்ளிகளை ஸ்மார்ட் வகுப்புகளாக தரம் உயர்த்துதல், ஸ்மார்ட் சிட்டி திட்டப் பணிகள் ஆகியவற்றுக்கு பிரான்ஸ் நிதியுதவி அளித்திருந்தது குறிப்பிடத்தக்கது.