டாலருக்கு நிகரான ரூபாய் மதிப்பு 42 காசுகள் சரிந்து ரூ.91.50 ஆக நிறைவு!

மும்பை: ஈரான் மீதான அமெரிக்கா மற்றும் இஸ்ரேலிய தாக்குதல்கள் தீவிரப்படுத்தியதை அடுத்து, இன்றைய வர்த்தகத்தில், டாலருக்கு நிகாரன இந்திய ரூபாய் மதிப்பு 42 காசுகள் சரிந்து ரூ. 91.50ஆக உள்ளது.

போர் பதற்றத்தால், பிரெண்ட் எண்ணெய் விலை, பீப்பாய் ஒன்றுக்கு 8.34 சதவீதம் உயர்ந்து 78.95 அமெரிக்க டாலராக உள்ளதால், டாலருக்கான தேவையை அதிகரித்தது.

உள்நாட்டு பங்குச் சந்தைகள் மற்றும் வெளிநாட்டு நிதி வெளியேறி வருவதாலும், இந்திய ரூபாயின் மதிப்பு சரிந்ததாக அந்நிய செலாவணி வர்த்தகர்கள் தெரிவித்தனர்.

வங்கிகளுக்கு இடையேயான அந்நியச் செலாவணி சந்தையில், இந்திய ரூபாய் மதிப்பு ரூ. 91.23 ஆக தொடங்கி, பிறகு ரூ. 91.65 என்ற இன்ட்ராடே குறைந்தபட்ச அளவை எட்டியது. முடிவில், அதன் முந்தைய இறுதி வர்த்தக நிலையை விட 42 காசுகள் சரிந்து ரூ. 91.50ஆக நிலைபெற்றது.

கடந்த வாரம் வெள்ளிக்கிழமை, டாலருக்கு நிகரான இந்திய ரூபாய் மதிப்பு 17 காசுகள் குறைந்து ரூ. 91.08 ஆக இருந்தது.