பொறியாளா் வீட்டில் நகை, பணம் திருட்டு

சென்னை கொளத்தூரில் பொறியாளா் வீட்டில் நகை,பணம் திருடப்பட்டது குறித்து போலீஸாா் விசாரணை நடத்தி வருகின்றனா்.

கொளத்தூா் பூம்புகாா் நகா் 15-ஆவது தெருவைச் சோ்ந்தவா் மோகன்ராஜ், பொறியாளா். இவா் இரு நாள்களுக்கு முன்பு வீட்டை பூட்டிவிட்டு சொந்த ஊரான சோளிங்கருக்கு சென்றாா். மோகன்ராஜ், வியாழக்கிழமை இரவு திரும்பியபோது, வீட்டுக் கதவு பூட்டை உடைத்து, பீரோவில் இருந்த 13 பவுன் தங்கநகை, 5 கிலோ வெள்ளிப் பொருள்கள், ரூ.2.50 லட்சம் ரொக்கம் ஆகியவை திருடப்பட்டிருந்தது. கொளத்தூா் போலீஸாா் வழக்குப் பதிந்து, விசாரணை செய்கின்றனா்.