சென்னை சர்வதேச திரைப்பட விழா நிறைவு!

சென்னையில் நடைபெற்று வந்த 20வது சர்வதேச திரைப்பட விழா நிறைவு பெற்றது. இதில், 51 நாடுகளில் இருந்து 100-க்கும் மேற்பட்ட திரைப்படங்கள் திரையிடப்பட்டன.

சென்னையில் 20வது சர்வதேச திரைப்பட விழா கடந்த 15ஆம் தேதி தொடங்கியது. சென்னை பிவிஆா் மல்டி பிளக்ஸ் திரையரங்குகள், அண்ணா சினிமாஸ் உள்ளிட்ட திரையரங்குகளில் படங்கள் திரையிடப்பட்டன.

ஆர்ஜென்டீனா, பெல்ஜியம், ஆஸ்திரேலியா, அமெரிக்கா, ஹங்கேரி, பாகிஸ்தான் உள்ளிட்ட பல நாடுகளைச் சோ்ந்த 100- க்கும் மேற்பட்ட படங்கள் திரையிடப்பட்டன.

மேலும், திரைப்பட விழாவில் பங்கேற்ற படங்களுக்கு விருதுகளும் அறிவிக்கப்பட்டன. சிறந்த நடிகராக மாமனிதன் திரைப்படத்துக்காக விஜய் சேதுபதி தேர்வு செய்யப்பட்டார். சிறந்த நடிகையாக கார்கி படத்தில் நடித்த சாய் பல்லவி தேர்வு செய்யப்பட்டார். 

நிறைவு விழாவில் இயக்குநர் பாரதிராஜாவுக்கு வாழ்நாள் சாதனையாளர் விருது வழங்கி கெளரவிக்கப்பட்டது.