ஓமலூரில் 3 பேரூராட்சிகளையும் கைப்பற்றியது திமுக

ஓமலூர் சட்டமன்றத் தொகுதிக்குட்பட்ட மூன்று பேரூராட்சிகளையும் திமுக கைப்பற்றியுள்ளது.

Updated On :22 பிப்ரவரி 2022, 7:47 am

ஓமலூர் சட்டமன்றத் தொகுதிக்குட்பட்ட மூன்று பேரூராட்சிகளையும் திமுக கைப்பற்றியுள்ளது.

ஓமலூர் சட்டமன்றத் தொகுதியில் ஓமலூர், கருப்பூர் மற்றும் காடையாம்பட்டி பேரூராட்சிகள் உள்ளன. இதில் பதிவான வாக்குகள் ஓமலூர் பாத்திமா பள்ளி வளாகத்தில் எண்ணப்பட்டன.

வாக்கு எண்ணிக்கையின் முடிவில் ஓமலூர் பேரூராட்சியில் (மொத்தம் – 15), திமுக-11, அதிமுக-2, தமாகா -1, சுயேச்சை – 1 வெற்றி பெற்றுள்ளனர். 11 இடங்களைப் பிடித்து ஓமலூர் பேரூராட்சியை திமுக கைப்பற்றியுள்ளது.

கருப்பூர் பேரூராட்சியில் (மொத்தம் -15) திமுக-10, காங்கிரஸ்-1, அதிமுக – 3, சுயேச்சை – 1 வெற்றி பெற்றுள்ளனர். 10 இடங்களில் வென்று கருப்பூர் பேரூராட்சியை திமுக வசப்படுத்தியுள்ளது.

காடையாம்பட்டி பேரூராட்சியில் (மொத்தம்-15) திமுக -7, அதிமுக – 7 என சமமாக வெற்றி பெற்றுள்ளன. திமுக கூட்டணிக் கட்சியான விடுதலைச் சிறுத்தைகள் கட்சி ஒரு இடத்தில் வென்றுள்ளதால், காடையாம்பட்டி பேரூராட்சியும் திமுக வசம் சென்றுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News